A crise do coronavirus Covid19, ademais paralizar ao deporte galego, tamén afecta as deportistas da nosa comunidade que se atopan fóra do país. Algunhas delas están en Estados Unidos ou países europeos. O equipo de As Nosas quíxose poñer en contacto con varias delas para saber como están a vivir esta situación nos respectivos lugares nos que se atopan.
Claudia Rojo: “Polo momento podo seguir adestrando pero a NCA cancelou todas as competicións rexionais e nacionais”
Ao outro lado do charco, está residindo, mentras compaxina deporte e estudos, a atleta Claudia Rojo. Está apunto de rematar a súa carreira de Enxenería Aeroespacial e Aeronáutica na Universidade de Wichita.
Agora pola crise sanitaria froito do Covid19, a NCA, a organización que regula o deporte universitario nos Estados Unidos, cancelou as competicións regionais e nacionais. “A tempada está finalizada. Ademais cada conferencia tomou pouco a pouco as súas decisións, pero a gran maioría non realizará ningunha cita”, comentaba a galega sobre a situación.
Ela, polo momento, pode seguir adestrando. “Eu ata o martes desta semana entraba a pista sen ningún tipo de problema. O que pasa é que xa non realizaban adestramentos organizados. Agora mesmo permanece pechada e se queres facer o teu exercicio tes que avisar ao adestrador para que che deixe pasar”.
Claudia Rojo, atleta en USA: “Ata o martes a pista estaba aberta. Non se realizaban adestramentos con moita xente. Agora permanece pechada e se queres facer o teu exercicio tes que avisar ao adestrador para que che deixe pasar”.
No tema universitario ía a ter unhas pequenas vacacións. “A semana que ven comezábamos o break que similar a unha ponte dunha semana. Pero o adelantaron a este luns cunha duración de dúas semanas”.
Ao rematar ese tempo, a galega terá as súas clases de maneira online. “Recibín un correo no que nos decían que as clases íanse impartir desta forma ata finalizar o semestre. De momento a graduación a temos aprazada”.
Ela permanece na casa desde o venres e está saíndo para adestrar e ir mercar. A idea de voltar a España está na súa mente. “O teño pensado, pero non sei cando. Tiña un boleto mercado para despois da primeira ronda dos rexionais… Meus pais ían a venir a verme polas competicións e a graduación pero van a cambiar os billetes. A miña idea é volver cando a situación cálmese alí. Pero é algo que teño que consultar moi ben”.
Lía: “As competicións canceláronse ata o próximo semestre”
No mesmo país reside a coruñesa, Rosalía Muíño, Lía. A futbolista que está no South Florida Bulls, contounos que as competicións canceláronse ata a seguinte tempada. “A min neste aspecto non me afecta moito posto que, por sorte, a miña liga rematou en decembro e só estábamos adestrando”.
Nacida na Coruña, Muíño militou durante dous anos no Victoria CF B e no primeiro equipo das cebras. Ademais compartiu vestuario no Dépor ABANCA xunto a Tere Abelleira, Peke, Iris, Nuria Rábano desde o 2016 ata o pasado ano. Agora mesmo está a estudar International Business na Universidade do Sur de Florida.
A nivel individual, a situación para Rosalía diante da crise sanitaria provocada polo coronavirus Covid19 fai que a futbolista coruñesa decidira voltar ao seu fogar. “Despois de darlle moitas voltas e falar cos adestraores, as persoas que nos levan os temas das clases e co meu pai, decidín regresar a España”.
Lía, futbolista en USA: “Despois de darlle moitas voltas e de falar coas persoas adecuadas e co meu pai, vou a regresar a España”.
Cando na súa universidade e en xeral no país americano comezaron a tomar medidas polo COVID19, a coruñesa atopábase en vacacións ata o 23 de marzo. “Agora as aumentaron dous semanas máis, en teoría, ata o 5 de abril. As universidades declacaron que as clases serían de maneira online ata o seguinte semestre, pero de momento a miña só traballará desa maneira ata abril”.
Sheila Sánchez: “En Austria, a competición atópase parada ata Pascua”
Continuando no fútbol pero volvendo a Europa. En Austria, atópase Sheila Sánchez, actual xogadora do RW-Rankweil. “A competición esta parada ata despois de Pascua, de momento non hai nada que diga o contrario”.
A futbolista galega estivo xogando no Orzán e no Pontevedra. Durante catro anos, levou a elástica do Friol. O Sárdoma foi o último equipo da nosa comunidade onde xogou. No 2015 marchou a Austria para militar por tres tempadas no Vonderland.
Sheila Sánchez, futbolista en Austria: “A competición está parada ata pascua, de momento non hai nada que diga o contrario”.
Con respecto ao Covid19, “A situación agora mesmo en Austria é similar a de España. Os colexios e as garderías permanecen pechadas. Podes saír a pasear, eso sí, só ou como máximo acompañado da persoa coa que vives. Os locales pequenos están pechados e as grandes empresas seguen traballando. Sen embargo, algunhas fan teletraballo”, comenta Sheila. Polo momento, ela non ten pensado regresar: “As cousas aquí están ben”.
