Achégase o día do debut da segunda tempada de Primera División Nacional Femenina para o CW Pontevedra. Será o vindeiro sábado 7 de outubro, na piscina da Escola Naval Militar de Marín, recibindo ao CW Dos Hermanas ás 17:00 h.
O equipo pontevedrés, tras un gran traballo de pretemporada desde finais de agosto, quere repetir os éxitos da tempada pasada e loitar de novo para asegurar a permanencia nesta categoría estatal. Actualmente o Club Waterpolo Pontevedra repite como máximo representante do waterpolo feminino galego.
“De novo, grazas á inestimable e importante colaboración da dirección da Escola Naval Militar de Marín, a magnífica piscina castrense será o escenario dos partidos do CW Pontevedra en categoría nacional. Desde o club pontevedrés esperamos que a piscina marinense convértase nun fortín co apoio do público local”, resaltan desde a entidade pontevedresa.
O rival do Club Waterpolo Pontevedra será o equipo sevillano do CW Dos Hermanas, un conxunto con moita experiencia en competición estatal, que poñerá as cousas difíciles ao equipo galego que prepara o técnico Kike García.
