Un Combinado de xogadoras de Galicia que contou con xogadora de clubs como Auriense, Herdeiras de Dhais, Independiente e Turonia, resultou campión do I Torneo de Inverno de fútbol gaélico feminino, segundo informa a RFGF. Na competición tamén participou o conxunto do Estrela Vermelha de Santiago e as Fillas de Breogán.
O campo de fútbol de Chaián albergou a primeira edición deste Torneo de Inverno de Fútbol Gaélico feminino e, nela, o Combinado de Galicia foi gañador.
O campo de fútbol de Chaián vestiu as súas mellores galas esta pasada fin de semana para albergar o “I Torneo de Inverno de Fútbol Gaélico Feminino”, unha cita organizada pola Asociación Galega de Fútbol Gaélico e que tamén contou coa colaboración do Concello de Trazo.
A cita deportiva converteuse nunha festa do fútbol gaélico feminino e contou coa participación dos seguintes equipos:
- Estrela Vermelha (Santiago)
- Combinado Galego (Auriense, Herdeiras de Dhais, Independiente, Turonia)
- Madrid Harps A
- Madrid Harps B
- Madrid Harps C
- Fillas de Breogán
- Eire Og Sevilla
Así, e tras unha primeira fase de grupos e a disputa das correspondentes semifinais, o campión desta primeira edición do Torneo de Inverno de Fútbol Gaélico foi o Combinado de Galicia. A segunda praza foi para o Madrid Harps B e completou o podio o Madrid Harps A. A cuarta praza foi para o Fillas de Breogán.
Desde a RFGF felicitan “á organización deste evento, que foi todo un éxito e que contou coa presenza de moito público durante toda a xornada”.
