Dúas das colombianas do Dépor ABANCA deixarán de formar parte do club para a vindeira tempada. Lady Andrade e Lorena Bedoya non competirán coa camiseta branquiazul na Reto Iberdrola.
Tras unha campaña sen protagonismo, sobre todo na segunda volta, Andrade regresa á súa terra para formar parte do Atlético Nacional.
Pola súa parte, Bedoya aínda non ten destino confirmado, pero xa se despediu do Dépor ABANCA en redes sociais, asegurando que “malia que todo non saiu como desexe, voume chea de aprendizaxes, recordos e persoas inigualables”.
Polo de agora, a súa compatriota Carolina Arbeláez, quen non puido competir na segunda volta por mor dunha lesión, segue vinculada á entidade herculina.
Con estas marchas e a xa anunciada de Athenea, o Dépor ABANCA afronta o xa anunciado cambio de ciclo, no que deberá facer unha renovación case total do plantel para competir na categoría de prata.