- Os clubs de baloncesto CB Chantada, CB Val de Lemos e Ensino Lugo alcanzaron un acordo de colaboración para impulsar ó baloncesto na área sur da provincia de Lugo
Segundo explican as entidades participantes, trátase dun proxecto que xorde da boa dinámica entre os tres clubs lucenses de baloncesto, cun “obxectivo fundamental que é a educación deportiva, a promoción de hábitos saudables, e o aumento do número de practicantes deste deporte desde as idades escolares”.
Desde o CB Chantada, CB Val de Lemos e Ensino Lugo fan un chamamento as persoas, familias e servizos deportivos “pertencentes os concellos da zona sur: Taboada, Carballedo, Saviñao, Panton, Sober, Brollon, Boveda, Ribas de Sil e Quiroga que desexen participar neste programa ou desexen que os seus fillos practiquen baloncesto se poñan en contacto con nós a través dos correos electronicos dos clubes: cbchantada@hotmail.com valdelemos@gmail.com e ensinolugo@gmail.com”.
Outra canle que tamén propoñen para esta triple proposta vencellada ao deporte da canastra é contactar cos citados clubs a través de redes sociais.
O prazo para apuntarse nesta tempada 2021-22 remataría o 29 de setembro, segundo informa o Ensino Lugo.
