“O partido do sábado contra o Leganés é o mais importante do que vai de tempada. Ímos vivir este partido coma unha gran final xa que o resultado deste encontro vai a condicionar moito o que pase na segunda volta”. Así de contundente e claro falou Manolo Codeso, adestrador do Cidade de As Burgas, na previa do encontro da correspondente xornada 15 da Primeira División do Fútbol Sala.
O Cidade de As Burgas ocupa a penúltima posición da táboa e “pouco a pouco ímos desperdiciando oportunidades de gañar contra equipos da nosa Liga como xa nos pasou contra o Majadahonda e o Bilbo. Este partido é fundamental para gañar e podernos meter na loita”, aseguraba Codeso. Os Remedios queren e merecen unha vitoria. As de Codeso estalles custando entrar na competición pero nas últimas xornadas a mellora de xogo e de sensacións é latente.
Con respecto ao rival, o adestrador galego, falou das similitudes do seu equipo co rival seu rival do sábado: “O Leganés é moi similar a nós, gustanlle moito xogar co pívot e elas van vir a xogarse todo. Fóra de casa están a sacar partidos, sobre todo duelos directos. É un equipo que sabe ao que xoga”.
Gañar e pelear ata o final pola salvación
A pesar da racha de resultados, as ourensás están a recuperar sensacións nos últimos encontros e de seguir nesta línea os resultados non debería de tardar en chegar. O adestrador fixou obxectivos e puxo en valor o esforzo das súas xogadoras: “O noso obxectivo e pelear ata o final pola salvación. Estamos moi motivadas para o sábado e creo que o equipo vais máis e estamos capacitadas para pelexar contra calqueira. Queremos gañar polo ben do club e sobre todo polo das xogadoras, que están facendo un esforzo tremendo e sería moi xusto que ese esforzo vírase reflexado cunha vitoria”.
Manolo Codeso quere dedicar unha vitoria na casa a súa afección e facer xustiza co esforzo e o xogo desmotrado nos últimos encontros: “Xogamos en casa e temos que facernos fortes. Estamos indo a mais e só queda os 3 puntos para seguir confiando no que estamos facendo e dedicarlle unha vitoria a afección. Recupero a Canolis que é unha gran nova, xa que levábamos tempo sen poder contar con ela. A únicas baixas son Iria (3 meses) e Aroa (precaución por molestias no xeonllo).
