O HC Coruña vén de facer pública unha nova fichaxe. Trátase da internacional chilena Fernanda Muñoz. A deportista chega ás filas da entidade coruñesa procedente do Independiente de la Florida. Con ela son 10 as patinadoras que xa ten confirmado o club.
🚨Fichaxe!
Fernanda Muñoz únese ao HCCF!
A internacional chilena, procedente do Independiente de la Florida, defenderá as nosas cores esta tempada.
Benvida!💙🚨Fichaje!
Fernanda Muñoz se une al HCCF!
La internacional chilena, procedente del Independiente de la Florida,… pic.twitter.com/souHF9BwLi— H.C. Coruña Feminino (@CorunaFeminino) August 8, 2023
Stanis García será o adestrador do HC Coruña. Na lista para facer as convocatorias xa conta o técnico con dez deportistas. Fernanda Muñoz é a última das incorporacións a este club que militará no curso 2023-24 na Ok Liga Iberdrola logo de que o HC Liceo lles cedese o seu lugar na elite do hoquei a patíns feminino estatal.
Fernanda Muñoz comparte condición de internacional con Chile coa patinadora Bea Gaete que xa tiña confirmada a súa fichaxe polo HC Coruña.
🚨 Novo fichaxe!
Mar Franci, nova xogadora do HCCF!
A catalana, que militou no HC Lleidanet Alpicat a tempada pasada, vestirá as nosas cores!
Benvida!💙🚨 ¡Nuevo fichaje!
¡Mar Franci, nueva jugadora del HCCF!
La catalana, que militó en el HC Lleidanet Alpicat la temporada… pic.twitter.com/7S4rRz52e4— H.C. Coruña Feminino (@CorunaFeminino) July 30, 2023
Hai unha semana se facía pública tamén a fichaxe da catalá Mar Franci, que chega do HC Lleidanet Alpicat. Previamente anunciouse a fichaxe de Ari Escalas, porteira procedente do HC Liceo.
Das dez xogadoras que fixo público o club herculino que defenderán a súa elástica, sete militaban no HC Liceo o pasado curso. Esta é a lista de patinadoras do HC Coruña e o seu equipo de procecencia:
- Viki Caretta – HC Liceo
- Ari Escalas – HC Liceo
- Luchy Paz – HC Liceo
- Ale Martín – HC Liceo
- Cris Diz – HC Liceo
- Alba Garrote – HC Liceo
- Bea Gaete – HC Liceo
- Anna Bulló – CP Manlleu
- Mar Franci – HC Lleidanet Alpicat
- Fernanda Muñoz – Independiente de la Florida
Campaña captación socias do HC Coruña
HC Coruña lanzou unha campaña para a captación de persoa socias da man da app Cluber. Os prezos van dos 20€ para os carnets individuais, os 45€ do abono familiar (para un máximo de catro persoas) e os 100€ dos socios ouro que permite a inclusión de seis persoas abonadas e levan unha bufanda de agasallo.
As xogadoras e xogadoras de hoquei poderán acceder de balde coa ficha federativa, segundo informa o club coruñés.
Cluber será un dos patrocinadores do HC Coruña este curso 2023-24.
🚨 Xa está aquí a campaña de socios do HCCF!
Canto crees que costa facerse socio dun equipo da #OkLigaIberdrola e de Champions? Pois si, tan só 20€. Axúdanos a medrar!💙⚠️Tedes o link para facervos socios na nosa biografía.#PatrocinioCluber#hockeypatines#hoqueipatins… pic.twitter.com/09pEJ0fMKh
— H.C. Coruña Feminino (@CorunaFeminino) July 31, 2023
A Liga iniciarse o 8 de outubro e o primeiro rival será o Cerdanyola HC Feníe Energía que visitará A Coruña no debut das galegas na Ok Liga Iberdrola.
O HC Coruña xa ten primeiro rival na Ok Liga Iberdrola 2023-24
