O Campionato Galego Máster de verán deixou unha fin de semana de grandes resultados para a natación galega no complexo deportivo Álvaro Pino de Ponteareas. O club anfitrión, o CN Ponteareas foi o protagonista das probas, sendo campión en categoría feminina e conxunta e subcampión na masculina.
En total, as nadadoras do pontevedrés sumaron 50 ouros, 32 pratas e 17 bronces. Ademais, lograron sete récords galegos, grazas a deportistas como Cristina García e Irene Fernández, do total de 31 que se bateron durante a competición.
Primeira xornada do Campionato Galego Máster de verán
Na primeira xornada, celebrada o sábado, competiron as nadadoras de maiores de 45 anos. Durante a competición batéronse 18 récords galegos en categoría máster.
Entre os clubs sobresaiu a actuación do CN Ponteareas, anfitrión do evento, en categoría feminina. Na masculina o mellor posicionado foi o CN Escualos. Entre os participantes de máis idade recibiron o trofeo Celia Iglesias, do CN Mos, e Francisco Araújo, do CN Ponteareas.
Tamén recibiu o trofeo como Club Campión da Liga Galega Máster 2020/2021 o CN Ponteares.
Segunda xornada da competición
O domingo celebrouse a segunda xornada, nesta ocasión para os menores de 45 anos. Ao longo do día batéronse outros 14 récords galegos máster, e os campións foron o CN Ponteareas e o CN Escualos.
En categoría feminina as anfitrioas lideraron a clasificación, seguiras polo CN Vigo Rías Baixas e en terceiro lugar o CN Liceo. Na masculina o vencedor foi o Escualos, seguido polo Pontearea e o Liceo
Podes revivir aquí as xornadas competitivas do Campionato Galego Máster de verán, organizado polo club pontevedrés
