Catro son os equipos galegos da LF2 que se ven afectados pola última decisión da Federación Española de Baloncesto (FEB) que vén de determinar que a xornada do 28-29 de marzo tamén se apraza. Deses catro clubes uns está a favor de que a competición se dea por rematada e outros consideran que debe reanudarse no momento no que sexa posible facelo.
Ante esta situación, Lino Vázquez, membro da directiva do C.B. Arxil, pensa que esta situación non quedará así. O equipo da cidade do Lérez é o conxunto que quere que a competición se dea por rematada.
Vázquez apunta: “A Unión Europea pechou fronteiras ata un mes, as xogadoras que agora están nas súas casas non poderían entrar en España polo que a Liga non podería empezar. A ACB suspendeuse ata o 24 de abril. Non é lóxico que se todo se arreglara antes da Liga Feminina 2, a LEB Oro, Plata e a EBA comezara en tres semanas”.
Lino Vázquez (C.B. Arxil): “A Unión Europea pechou fronteiras ata un mes, as xogadoras voltaron aos seus fogares de orixe e non poderán entrar en España”.
Fontes da directiva da A.D Cortegada falan de que a mellor opción sería a cancelación da competición na Liga Feminina 2. “Estamos a favor de que se cancele, non se pode ir semana a semana”. Cren que a Liga está desvirtuada e plantexan que ademais de cancelarse a competición se dea por nula esta campaña.
Directiva A.D. Cortegada: “Estamos a favor de que se cancele”
É dicir, que o vindeiro ano se iniciase a competición como se estas xornadas disputadas non existisen. Deste xeito, non se tería en conta a clasificación actual para cuestións como ascensos ou descensos, por exemplo. No conxunto de Vilagarcía de Arousa sosteñen que, por outro lado, hai que deixar a un lado a parte deportiva e pensar a humana que afecta a xogadoras e corpos técnicos dos equipos.
As da cidade departamental, pola súa parte, non queren que a competición remate. Fontes do club indicaron As Nosas que a súa postura é “que o play off dispútese en maio ou en xuño”.
Baxi Ferrol: “A nosa postura é que o play off dispútese en maio ou en xuño”
No Baxi Ferrol, ademais, aspiraban a acoller a fase de ascenso. “Ferrol e Canarias, éramos os únicos candidatos para ser sede para xogar a fase para subir á Liga Endesa”, polo que se verían afectadas pola decisión de non seguir coa competición cando a crise sanitaria do coronavirus Covid19 pasase. “A nosa idea é que se xogue. Quedamos coas xogadoras en que volveran no caso de voltar a competición”, engadían desde Ferrol.
O obxectivo primordial do conxunto ferrolá é ascender a máxima competición nacional. Desde o club falaron coas xogadoras para facilitarlles a súa marcha coa promesa por parte de todas de que si se reanuda a Liga volverían a disciplina.
No caso do Celta Zorka Recalvi, a entidade viguesa estaría na liña da suspensión, pero matizan que aínda non ten tomado unha decisión en firme ao respecto.
A FEB apraza unha nova xornada da LF2 polo Covid19
A Comisión Delegada e a Comisión de Presidentes de Federacións Autonómicas da FEB reuníronse o pasado 12 de marzo de 2020 con carácter de urxencia. Ractificaron o aprazamento das xornadas a disputar ata o próximo xoves 26 de marzo. Esta decisión se adoptou como resposta as medidas de emerxencia dictadas polo Goberno a causa da crisis sanitaria do COVID19.
Neste sentido, a Federación Española de Baloncesto informou que a xornada correspondente aos días 28 e 29 de marzo de 2020 de todas as competicións nacionais quedan aprazadas en idénticos términos das dúas anteriores.
