A histórica primeira tempada do equipo feminino absoluto do Club Waterpolo Pontevedra na liga de Primera Nacional de Waterpolo chega ao seu fin.
O soño que comezou hai case un ano (maio de 2022) co ascenso logrado en Murcia que permitiu ás galegas do Club Waterpolo Pontevedra gozar e competir con clubs históricos e referentes do waterpolo estatal e que, por primeira vez, viaxaron a Galicia para disputar partidos oficiais a este nivel.
“Como debutantes nesta categoría, no mes de outubro ao iniciarse a competición o obxectivo prioritario da tempada non podía ser outro que o de lograr a permanencia e permitirnos consolidar o proxecto a nivel nacional. O traballo e a ilusión das nosas mozas e o corpo técnico permitiu que nunha primeira fase espectacular (encadeando case tres meses sen perder entre decembro e marzo) lográsese con moita antelación a ansiada permanencia e gañásemonos/gañásemosnos o dereito para disputar a segunda fase na loita cos mellores equipos da categoría polas prazas de playoff para ascender a División de Honra”, explican desde o club.
Tras un tramo final da tempada onde os resultados non acompañaron ás galegas, aínda que sempre competiron coa mellor das actitudes e compromiso, o vindeiro sábado 29 de abril a partir das 17:00 horas, o equipo feminino do Club Waterpolo Pontevedra disputará o seu último partido de liga poñendo o broche á tempada como locais na piscina da Escola Naval Militar de Marín para enfrontarse ao AR Concepción Ciudad Lineal, equipo madrileño que a tempada anterior estaba en División de Honra.
Con tal motivo, desde a Xunta Directiva do Club Waterpolo Pontevedra, convidan e animan “a asistir a este último partido que o equipo feminino absoluto do Club Waterpolo Pontevedra disputará na que foi a súa tempada de debut en Primera Nacional Feminina”.
“Para o noso club sería un auténtico pracer poder encher as bancadas nunha data tan relevante e significativa para a historia do Club Waterpolo Pontevedra e na que queremos aproveitar para dar as grazas a todas as institucións, empresas, entidades e persoas que de forma directa ou indirecta puxeron o seu granito de area e coa súa colaboración e apoio fixeron posible que este soño fíxose realidade e poida ter continuidade no futuro. Din que o difícil moitas veces non é chegar, se non manterse”, apuntan desde o club.
As xogadoras do Club Waterpolo Pontevedra fixérono “de maneira brillante e merécense o maior dos nosos respectos e o recoñecemento a unha tempada inesquecible para o waterpolo pontevedrés e galego. Para acceder como público será obrigatorio inscribirse no seguinte formulario antes do venres, para un control de aforo solicitado pola Escola Naval: formulario de control de acceso”, sinalan desde o club.
Catro partidos fronte ao Club Waterpolo Santiago con moito en xogo
O vindeiro sábado 29 de abril o Club Waterpolo Pontevedra recibirá ao CW Santiago na piscina da Escola Naval Militar de Marín para disputar catro partidos das ligas Galegas de Waterpolo.
Ás 11:30 h comezará a xornada co primeiro partido, o de División de Honra Masculina, cun duelo entre os dous primeiros clasificados, de onde podería saír o virtual campión de liga. O CW Pontevedra depende de si mesmo para conseguir o título, pois Santiago conta cun empate e unha derrota (fronte ao CW Pontevedra), mentres que os do Lérez só perderon un partido.
A pesar de que aínda quedan varias xornadas para finalizar a competición e que algún equipo consiga o título de forma matemática, un dos dous poderá perder neste choque as opcións de gañar a liga, mentres que o outro dependerá de si mesmo.
O seguinte partido será o de Liga Galega Cadete Mixta, 13:00 h, onde o CW Pontevedra enfrontarase ao equipo feminino do CW Santiago. Xa pola tarde, e despois do partido de Primera Nacional Feminina, ás 18:15 h xogarase o partido de Liga Galega Infantil Mixta, cun duelo entre os dous primeiros clasificados, tamén co título (e clasificación para o Campionato de España) en xogo.
Nesta ocasión, o CW Santiago parte como favorito, xa que a pesar de que o CW Pontevedra só perdeu un partido esta tempada, fíxoo #ante o cadro compostelán por 4 goles, diferenza que tería que remontar o equipo pontevedrés para poder subir ao primeiro posto da clasificación.
Para pechar a xornada disputarase ás 19:30 h o partido de Segunda División Masculina, xogando o CW Pontevedra B fronte ao CW Santiago C, equipo formado na súa maioría por xogadores de categoría “máster”.
