O Club Volei Praia Milenio Ourense continúa a súa fase de crecemento. Xa hai dous anos que se constituíu como clube e ademáis presume de participar como club organizador de catro probas do circuíto nacional de inverno de voley praia, organizado pola Real Federación Española de Voleibol.
É a primeira vez que un club galego súmase á organización de probas puntuables para o Campionato de España de Inverno. Neste caso é o Club Milenio que da o paso e organiza catro probas que constituirán o Circuito Sousas Oira Praia. Estas catro probas celebraranse nas novas pistas do recinto deportivo de Oira durante as seguintes datas: 28 de decembro de 2019, 25 de xaneiro, 22 de marzo e 26 de abril de 2020.
A pesar de ser en plenos meses de inverno as pistas do recinto de Oira están preparadas para soportar as inclemencias do tempo grazas á súa extraordinaria drenaxe que fai posible que a area presente sempre as mellores condicións e garantías para a perfecta práctica do voley praia.
Este Circuíto Nacional de 2019-20 consta de 30 probas que se celebrarán desde o mes de novembro ata o mes de abril en varias praias de Canarias, Comunidade Valenciana, Aragón, Cataluña e Cantabria, e na que competirán varios dos mellores xogadores da especialidade que loitarán por conseguir puntos para o ranking nacional que lle posibilitarán na tempada de verán poder acceder directamente aos cadros finais dos torneos.
Varias xogadoras do clube ourensán participarán na probra e que tendrá como máximo expoñente Nuria Bouza, que disputará varias das probas do campionato de inverno, e xa se alzou co primeiro posto do torneo disputado en Gran Canaria o pasado 17 de novembro.
