Novo éxito para o Club Volei Praia Milenio. O conxunto da Cidade de As Burgas acadou unha medalla de bronce no Campionato de España de inverno da man de galega Nuria Bouza e a súa parella, unha xoven polaca, Kinga Monika. A cita disputouse no recinto deportivo Viziusport de Elche.
O torneo era de puntuación dobre para o ránking nacional da Federación Española de Voleibol. Por este motivo anotáronse 14 parellas no cadro feminino. O que fixo que nas pistas levantinas acudiran as mellores especialistas do panorama nacional e moitas xogadoras internacionais.
Nuria Bouza, xogadora do Sousas Oira Praia, desprazouse a cidade alicantina para xogar de parella cunha xoven polaca Kinga Monika. Nuria buscaba seguir competindo e engrosar puntos pola súa conta no ránking nacional. A pesar de ter un perfil similar como receptoras, pouco a pouco e a medida que avanzaba a competición, pasaron as rondas ata alcanzar as semifinais. Na cal enfrontáronse as favoritas e posteriormente campioas, Erika Kliokmanaite e Evangelia Merteki.
A galega e a polaca dispuxeron de ata tres bolas de partido para chegar a gran final onde lles esperaría outra das parelas top do volei praia nacional, Tania Moreno e Luana Araco. Ao final, quedáronse ás portas pero acadaron a medalla de bronce.
“Estivo moi entretido. Había parellas de moito nivel”, apuntou a galega Nuria Bouza. A súa compañeira, Kinga Monika, comentou o seguinte: “Xogamos moi ben e é verdade que o nivel estaba moi alto”.
Os éxitos do club ourensán non quedaron só ahí. No cadro masculino participaron 26 parellas. Entre as cales, estaba a de Hernán Tovar, do Club Volei Praia Milenio, co venezolano Vicente Salazar. Ambos acadaron a prata.
https://www.facebook.com/221505521731848/videos/2381455222166653/
O sábado 25 de xaneiro volverán a competir. Esta vez, a proba será en Galicia. O Circuito de Inverno de Volei Praia volve a Ourense. Nuria Bouza espera seguir repetindo novos éxitos nun campionato nacional. Ata agora xa suba dous ouros e un bronce.
