A piscina municipal de Arteixo acolleu o pasado sábado (7 de marzo) un dos eventos máis importantes na natación. O Club Natación Arteixo coa colaboración do concello realizou o XXI Encontro de Natación. A xornada competitiva foi un gran éxito de organización e participación. O gañador foi o Club Natación Ferrol, seguido do de Arteixo e Club Natación da Coruña.
Esta edición celebrouse en dúas sesión. Unha pola mañá como evento de exhibición dos Equipos de Promesas de varios clubs e da Escola de Natación do Arteixo. Unha sesión de tarde, na que participaban as categorías de benxamín e alevín dun total de seis clubs disputándose a clasificación a nivel individual e por equipos.
Estableceuse un novo récord de participación con 75 de catro clubs na sesión da mañá e 180 de seis clubs pola tarde. Houbo un gran ambiente festivo, como xa é costume neste evento. A clasificación por clubs foi a seguinte:
- Club Natación Ferrol: 464.
- Club Natación Arteixo: 351.
- Club Natación Coruña: 300.
- Club Natación Culleredo: 253.
- Club del Mar: 244.
- A.D. Náutico de Narón: 154.
Neste trofeo premiábase aos tres primeiros clasificados de cada proba, tanto a nivel individual como de remudas. Os deportistas do Arteixo fixéronse cun total de 15 medallas. Repartíronse agasallos a todos os participantes ao final da competición. Os encargados este ano de facer entrega dos trofeos foron Purificación Zas, concelleira de Deportes do Concello de Arteixo e Virginia Martínez, a presidenta do Club Natación Arteixo.
