A Copa de España de Ruta Adaptada xa está de volta no calendario ciclista estatal e nela toma parte o Club Ciclista Riazor no que compite Mila López.
A pasada fin de semana en Extremadura celebrouse a primeira das sete citas coas que conta este campionato. A proba, o Gran Premio Ciudad de Badajoz, realizouse integramente nun día. O Club Ciclista Riazor, por equipos, puso a súa primeira pedra no camiño ao podio sendo primeiros nesta cita. O ano pasado xa quedaron campións por equipos.
Entre as féminas do club galego salientou cun primeiro posto a ciclista Mila López na clase de WH4. “Como digo eu, fun primeira e última. Nesta proba a participación feminina sin contarme a min foi nula. Noutras clases existen casos, nas miñas compañeiras, que compiten soas. Eu teño a sorte de ter competencia pero nesta vez non houbo máis presencia”, comentaba a Mila López, a paraciclista do Riazor, para As Nosas.
Badaxoz propuso un circuíto urbano de 5,5 quilómetros polas rúas da cidade como escenario sobre o que se desenvolveu a competición. “Este ano houbo cambios no último momento no circuíto. Había unha etapa no que o solo era empedrado. Polo que a última volta tivemos que subir á praza”, engadía sobre a competición Mila López.
Nos homes do club que se desprazaron ata a provincia de Extremadura salienta o ouro de Luis Javier Ácega en MC3, e o bronces de Xosé Manuel Vazquez en MC4 e o de Iván Montero en MH5. Na súa categoría, en MH2, Álex Ferredas acadou un cuarto posto.
A seguinte cita do CC Riazor, o Europeo en Cáceres
Agora gardarán forzas para o Campionato Europeo. “A finais de mes, en Cáceres participaremos no Campionato de Europa. A diferenza do torneo nacional, esta proba será puntuable para os Xogos Paralímpicos”, dicía Mila López. Ademais tamén doutra proba internacional que se disputa no País Vasco, chamada Paracycling Bizkaiko Bira.
Mila López, ciclista do CC Riazor: “A finais de mes, en Cáceres participaremos no Campionato de Europa. A diferenza do torneo nacional, esta proba será puntuable para os Xogos Paralímpicos”
A segunda proba da Copa de España de Ciclismo Adaptado terá lugar en Cuevas de Almanzora en Almería, o 19 de abril. A continuación, deixamos as datas das diferentes citas desta competición estatal, unha delas terá lugar en Galicia:
- 26 de abril: Trofeo Excelentísimo Concello de Ciudad Real.
- 6 de xuño: II Copa de España Concello de Viveiro, en Lugo.
- 5 de xullo: III Gran Premio de Valencia, en Cheste.
- 10 de octubre: III Copa de España de Ciclismo Adaptado Puero Lumbreas, en Mazarrón (Murcia).
- 11 de octubre: I Copa de España de Ciclismo Adaptado Ciudad de Totana, en Murcia.
