Desde que terminou a Liga e debido á situación destes últimos meses por mor da COVID-19, os clubs da Liga Guerreras Iberdrola puxéronse a traballar de cara á tempada 2020/2021. Se algo marca as aspiracións dun club durante unha campaña é a súa capacidade económica. Neste sentido, o CB Porriño vén de facer unha renovación que constitúe a súa mellor fichaxe para o curso 2020-2021.
O Club Balonmano Porriño non se quedou atrás e ao longo destes meses foi anunciando fichaxes s e renovacións no plantel do equipo de División de Honra.
Dende o club remarcan que todo iso non sería posible sen a presenza dos patrocinadores, que aportan cada ano o seu gran de area para que o proxecto do club porriñés se poida levar a cabo da mellor forma posible.
Hoxe anunciaron a renovación dos seus sponsor principais. “Como patrocinadores institucionais atopamos ao Concello de Porriño, que é principal soporte económico do Club; á Fundación Deporte Galego, a Deputación de Pontevedra e a Xunta de Galicia que se comprometeron a continuar axudando na mesma liña dos últimos anos”, confirmaron nun comunicado.
Rubensa, principal patrocinador privado do Club Balonmano Porriño
En cuanto aos patrocinadores privados, a principal novidade é a maior achega de Rubensa. A inmobiliaria do porteiro do Celta, Rubén Branco, dá un paso adiante e, ademais de ser patrocinador do equipo de División Honor Prata, converterase no principal patrocinador privado do club.
Doutra banda, tamén renovaron o seu compromiso a conservera Conservas Orbe. Desta forma, o equipo da Liga Guerreras Iberdrola pasará a denominarse Conservas Orbe Rubensa Bm Porriño.
Ademais dos anteriores, continuan colaborando co club as empresas porriñesas: Grupo Godoy Maceira, Nattex, Manprocar, Elecpor, M+Q, Sumipor, Coren y Covigán.
Dende o club sinalan: “Tamén debemos destacar o convenio co colexio Marcote, o cal proporciona unha serie de becas de estudo a diferentes xogadoras das categorías base do club. E, doutra banda, destacar o gran apoio por parte da hostelería local que proporcionan unha gran axuda e xogan un papel moi importante dentro do club”.
Rematan o comunicado afirmando que, desde o Club Balonmano Porriño, “queremos agradecer a axuda a todas e cada unha das persoas que decidiron apostar por nós. Esperamos seguir contando con eles moitos anos máis”.
