A pesar de levar dúas semanas de confinamento, o Club Balonmán Porriño non cesa o seu traballo. Grazas á tecnoloxía está a facer incluso adestramentos conxuntos. Esta semana, en concreto, orientaron os obxectivos a aspectos diferentes aos da semana pasada, onde o principal fin era o traballo cardiovascular.
Ao longo da semana, as xogadoras traballaron dunha forma moi similar á anterior, alternáronse adestramentos de forza, a través de rutinas xa preparadas, xunto cos adestramentos conxuntos, a través da plataforma online Zoom, e onde se buscou orientar as actividades cara ao traballo aeróbico grazas a múltiples exercicios.
Como xa é habitual na planificación, o sábado, o corpo técnico organizou unha actividade diferente ao resto da semana, esta vez orientada cara á o traballo lúdico. Comezaron xogando ao coñecido xogo da Oca por equipos, pero neste caso pasaría a chamarse «A PorriOca», xa que non se xogaría da forma tradicional. Nela, dependendo da casa na que se situasen, o equipo tería que completar ou un reto, unha proba sorpresa, unha de resistencia ou unha de forza.
Bingo online para mantener a unión do equipo
Para finalizar o traballo, organizaron un bingo online entre as xogadoras. Ana Alonso, preparadora física do club, explicou o seu obxectivo: “xogar xuntas a este tipo de xogos axúdanos a manternos unidas e formar parte do todo, que ao final, e aínda que nestes días sexa difícil, practicamos un deporte en equipo”.
Ana Alonso, preparadora física do CB Porriño: “Xogar xuntas a este tipo de xogos axúdanos a manternos unidas e formar parte do todo, que ao final, e aínda que nestes días sexa difícil, practicamos un deporte en equipo”.
Doutra banda, a preparadora tamén mostrou a súa visión do traballo feito ata o de agora: “tentamos que o traballo físico non se volva rutineiro, porque moitas das xogadoras contan con pouco espazo para realizalo, e usamos os sábados para incluír actividades nas que podamos desenvolver tamén os aspecto socio-afectivos do grupo”.
Ana Alonso, preparadora física do CB Porriño: “Tentamos que o traballo físico non se volva rutineiro, porque moitas das xogadoras contan con pouco espazo para realizalo”.
Na próxima semana, o club galego buscará continuar coa dinámica levaba ata agora, pero buscando novos obxectivos a cumprir e con novas actividades.
