O sábado día 22 as pistas do CGTD de Pontevedra deron acollida á disputa da IV Copa Xunta de Galicia de Clubs máster que tivo na formación do Club Atletismo Sada o triunfador en ambas categorías.
Ver esta publicación en Instagram
A entidade das Mariñas, que partía como clara favorita. O Club Atletismo Sada domiñou esta cuarta edición que situaba de igual modo ao Atletismo Narón en mulleres e homes, na segunda posición desta Copa máster.
Detrás do Club Atletismo Sada, completaba o podio na categoría masculina o Club Atletismo Santiago sendo a cuarta posición para a S.D. Compostela, segundo informa a Federación Galega de Atletismo.
A nivel individual destacamos os catro récords de Galicia logrados por Laureano Martínez do C.A. Sada nos 400 v. da M55 con 1:05.04; os 2.80 m. na pértega de Xulio Ventín da Gimnástica na M60; os 24:39.51 de Eliseo García do C.A.Sada nos 3.000 marcha M50 e os 17:15.49 de Manuel Treus do Atletimo Santiago nos 3.000 marcha M55.
