O Club Atletismo Sada proclamouse campión da VIII Copa de Clubs Máster en ambas categorías (masculina e feminina) nun emocionante encontro disputado esta fin de semana nas pistas viguesas de Balaídos.
O equipo das Mariñas empataba a puntos co Samertolameu na categoría feminina a 61 puntos polo que tivo que decidir a porcentaxe a mellores postos que finalmente beneficiaría ao conxunto coruñés do Club Atletismo Sada. As ourensáns de La Purísima con 37 puntos, lograban o terceiro lugar do podio.
Por parte do equipo gañador, lograban mellores porcentaxes individuais Monserrat Fernández nos 100 m; Ángeles Ripoll nos 800 m.; Emilia Rodríguez nos 3.000 marcha; Natalia García nos 3.000 m.; Tania Valverde na lonxitude; Ángeles Rodríguez na xavelina, e o equipo de relevos 4×400.
Na categoría masculina, novamente o equipo sadense lograba impoñerse desta vez ao Marineda At. por un resultado de 110-100 puntos sendo o terceiro lugar do podio con 96 p. , para o Samertolameu.
Club Atletismo Sada, campión masculino máster
Os gañadores parciais do Club Atletismo Sada foron, Javier Llopis nos 100 e nos 200 m.; Iván Somoza nos 800 m.; Jacinto Parga nos 400 m.; Juan Luis Paz nos 100 valos; Juan José Vila nos .3000 m.; Nicolás Bas nos 3000 obstáculos así como o equipo de relevos 4×100 m.
- Categoría Masculina:
- 1º Club At. Sada
- 2º Marineda Atlético
- 3º Samertolameu
- 4º Sociedad Gimnástica de Pontevedra
- 5º C.A. Santiago
- 6º Club Ourense Atletismo
- 7º S.D. Compostela
- Categoría Feminina:
- 1ª Club Atletismo Sada
- 2ª Samertolameu
- 3ª La Purísima
- 4ª Sociedad Gimnástica de Pontevedra
