Rematado o 2020, a Real Federación Española de Atletismo fixo público o Ránking Nacional de Clubes Master. Esta clasificación recolle un total de 421 equipos de todo o territorio español, no que destacan tres galegos: o Club Atletismo Sada, a Sociedad Gimnástica de Pontevedra e o Atlética A Silva.
O primeiro deles, o CAS, é o mellor situado. Na clasificación xeral ocupa a décimo cuarta posición, cunha puntuación total de 182 puntos. Tamén se sitúa entre os mellores no ránking feminino onde, con 123 puntos, ocupa a quinta posición.
No caso da Atlética A Silva, as deportistas lograron a vixésimo quinta posición na clasificación feminina e a viséximo sétima no ránking xeral, con 139 puntos.
Estes son algúns dos últimos éxitos en master do Club Atletismo Sada e Atlética A Silva:
As atletas máster galegas traen de San Fernando tres ouros, nove pratas e tres bronces
Tamén está dentro deste recopilatorio dos mellores clubs a Sociedad Gimnástica de Pontevedra. Este equipo está, con 74 puntos, na viséxima posición do ránking feminino e, con 144, no viséximo cuarto posto da táboa xeral.
Os outros clubs galegos
Ademais destes equipos, outros oito clubs representan a Galicia neste ránking máster. Na 39ª posición da táboa xeral está Ourense Atletismo, que sumou 31 puntos nas competicións femininas. Un posto por debaixo está o ADAS Proinor, con 24 puntos en feminino.
Algo más abaixo atópase o coruñés Marineda Atlético, na 59ª posición, grazas en parte aos seus cinco puntos das categorías femininas. No posto 63º está o Lucus Caixa Rural, con 20 puntos de competicións femininas.
Xa achegándose á 100ª posición está o Burgas Ourense, ocupando o posto número 96 e para o cal as súas atletas sumaron 36 puntos. No caso do Celta, o seu conxunto feminino, o Atletismo Femenino Celta, ocupa a posición 130ª no ránking xeral, con 35 puntos.
Varias posicións máis abaixo está Lugo Running, situándose no posto 324 con oito puntos femininos. Remata a lista de clubs que competiron en categorías femininas o Riazor Coruña, na 335ª posición, con 3 puntos logrados polas súas atletas.
Outros clubs galegos como o Viguesa Atletismo, o Atletismo Friol ou o Mochila del Deporte tamén están nesta clasificación xeral, pero non contan con atletas mulleres en máster.
Consulta aquí o baremo máster clubs 2020 da Real Federación Española de Atletismo.
