Clàudia Pons aposta pola calidade das galegas Silvia Aguete, Luci Gómez, Ale de Paz e Vane Sotelo

As futbolistas galegas Silvia Aguete e Ale de Paz do ENCE Marín Futsal, Luci Gómez do Poio Pescamar), e Vane Sotelo do Futsi Atlético Navalcarnero, recibiron a chamada da seleccionadora Clàudia Pons para a preparación e logo a disputa da fase de clasificación da WEuro2022 que terá lugar do 9 ao 23 de outubro. Haberá unha preparación previa antes de acudir a Finlandia.

A adestradora da Selección Española absoluta de fútbol Sala chamou a16 futbolistas das que logo haberá dous descartes para la fase de clasificación en Finlandia. España xogará dous amigables contra Portugal en terras lusas os días 14 e 15 de outubro e logo afrontará a fase de clasificación para o Europeo en Finlandia.

Con respecto á última convocatoria Galicia suma unha futbolista máis, xa que Ale de Paz (que xa fora internacional outras veces), tíñase caído da última cita xunto con Jenny Lores (Ourense Envialia FSF) e Antía Pérez (Pescados Rubén Burela). Estas dúas tampouco recibiron a chamada de Clàudia Pons desta volta. Repiten, polo tanto Vane Sotelo (que regresara na última convocatoria logo dunha ausencia por lesión), Luci Gómez, e a porteira Silvia Aguete.

En canto aos clubs, tres equipos galegos aportan deportistas ao combinado estatal español: ENCE Marín Futsal (2), Poio Pescamar (1) e Pescados Rubén Burela (3).

Haberá 2 descartes na lista de Clàudia Pons para a disputa da fase

Burela achega catro futbolistas á seleccións, tres con España e una con Portugal

Catro xogadoras do primeiro equipo do Pescados Rubén Burela, Irene Samper, Patricia G. Mota Peque, Dany Domingos e Jenny, foron convocadas pola Selección de España (Clàudia Pons) e Portugal para participar coas súas seleccións nos partidos preparatorios e oficiais para a Fase de Clasificación do Campionato Europeo 2023, que terá lugar na Cidade do Fútbol de Las Rozas, Portugal e Finlandia do 9 ao 23 de outubro.

Irene Samper, futbolista do Pescados Rubén Burela na Copa Galicia 2022 / SABELA MOSCOSOIrene Samper, Patricia G. Mota Peque e Dany Domingos incorporaranse á concentración de España o próximo día 9, mentres que a xogadora lusa Jenny fará o propio un día máis tarde con Portugal como preseleccionada.

Para o club da Mariña “é un orgullo poder nutrir de xogadoras á máis alta categoría do fútbol sala feminino europeo, o que evidencia que temos un persoal de moita calidade. Agardamos que nosas tres xogadoras nacionais cultiven consigan os maiores triunfos nesta participación; mentres que a Jenny desexámoslle tamén moita sorte coa súa selección”.

CONVOCATORIA SELECCIÓN ESPAÑOLA FUTSAL