O futsal español vivirá un Clásico na semifinal da Copa da Raíña. O Pescados Rubén Burela enfrontarase ao Futsi Atlético Navalcarnero este sábado, 1 de maio, ás 19:00 horas.
Este será o segundo Clásico da tempada entre burelistas e madrileñas. Despois de case ano e medio, o duelo de titáns puido vivirse hai un par de semanas co encontro ligueiro da fase polo título. Nesa xornada da segunda fase, o Burela viviu a súa primeira derrota da tempada, cun 1-2 para as visitantes en Vista Alegre.
As Guerreiras Laranxas pasou de fase ao vencer cunha goleada no duelo galego ante o Ourense Envialia. As burelistas marcaron nove goles que lle deron o pase á semifinal da Copa.
O Burela consigue o pase á semifinal de Copa tras vencer ao Ourense Envialia (9-2)
Pola súa banda, o Futsi Atlétivo Navalcarnero chega ao Clásico despois de ter vencido ao Intersala Promesas Zaragoza cun 6-2 no segundo cuarto da xornada.
O vencedor desta eliminatoria pasará á final que se xogará o domingo, 2 de maio, ás 19:00 horas.
