O Pescados Rubén Burela FS volverá gozar este domingo do Clásico do futsalfem medindo forzas co Futsi Atlético Navalcarnero, nesta ocasión co título de Supercopa de España en xogo. A cita de Xerez de la Frontera está prevista para as 21.30 horas, xogarase tras a final masculina e contará con emisión en directo de Teledeporte.
⚽️Estamos ultimando los detalles en el Palacio de Deportes para acoger este fin de semana la Supercopa femenina y masculina de Fútbol Sala
Comprar aquí tus entradas⤵️https://t.co/jkr8bOB21L@rfef @FCBfutbolsala @PalmaFutsal @ElPozoMurcia_FS @burelafs @futsi_atletico pic.twitter.com/BYYp6ZOWhx
— Ayuntamiento de Jerez (@ciudadjerez) February 24, 2022
Tras alzarse co trofeo internacional de Futsal Women’s European Champions en decembro en Lugo, as Guerreiras pelexarán polo que podería converterse no seu undécimo título consecutivo e na cuarta Supercopa da Historia Laranxa. “Os nervios están a xestionarse ben, por fin puidemos adestrar con case todas e acabamos a semana todas xuntas. Temos moitas ganas de que chegue xa o domingo” explicaba Irene Samper.
A futbolista estréase na experiencia: “Para min é a primeira Supercopa e por iso é moi especial” confesaba a 16 mariñá, recoñecendo que “se mesturan ilusión e responsabilidade para ir por todas”, ostentando a etiqueta de campioas das dúas últimas edicións, en Las Rozas e Burela.
O partido da Supercopa non será como o da Liga
Ambas as escuadras chegan á cita coas internacionais españolas recentemente aterradas. Pola súa banda, o Pescados Rubén Burela non puido regresar ao traballo grupal ata o luns por protocolo COVID-19. “Son circunstancias coas que hai que convivir, pero o traballo do día a día está aí”, reflexionaba Irene Samper, augurando un encontro pouco parecido ao do último Clásico, disputado na Liga na Primeira División do Fútbol Sala da RFEF. Aquel partido rematou en táboas cun 0-0.
Na opinión de Irene Samper esta final co Futsi Atlético Navalcarnero “vai ser diferente. Non estabamos co cadro ao completo, agora si. O que está claro é que vai ser un espectáculo que non pode deixar de verse”.
Tienes una cita con el mejor Futsal femenino
Supercopa 🏆@burelafs vs @futsi_atletico
D. 27Feb 📆
Hora: 21:30 pm ⏰
Emisión en @TeIedeporte
¿Te lo vas a perder? https://t.co/peQN48LJ7n pic.twitter.com/dmx8kzDT9X— ACFSFfutsal (@ACFSFfutsal) February 24, 2022
A expedición das Guerreiras Laranxas ten previsto partir esta noite de venres 25 de febreiro, ás 22.30 horas. A idea das da Mariña é realizar a última sesión da semana xa na pista de Xerez.
O técnico, Lucas, terá á súa disposición a todas as xogadoras co regreso de Jenny, recuperada da rotura do ligamento colateral cubital do polgar da súa man dereita tras tres meses lonxe das pistas.
