Esta fin de semana, ata oito atletas galegas citaranse en Castellón para o Campionato de España de Lanzamentos Longos de categorías menores. Entre as competidoras sub16, sub18 e sub20 destacan nomes como Paula Piñón, Xiana Lago ou Blanca Pereira.
A primeira delas, do AF Celta e que adestra co Lanzadores Coruña, competirá en sub20 de lanzamento de xavelina, modalide da que é campioa de España.
Outra campioa estatal na pista será Xiana Lago, do Ría Ferrol, ouro sub20 en peso e que estará en lanzamentos de disco. Súmase á lista de campioas Blanca Pereira, do Ourense Atletismo, ouro sub18 en lanzamento de martelo.
Continuando co martelo, a Sub20 Marta Neira estará defendendo o título logrado o ano pasado. Atención á participación da líder Sub16 Marta Hermida, do A.F.Celta, en martelo.
En categorías masculinas deste torneo de lanzamentos, estará o coruñés sub20 Nicolás Ortega do C.A.Sada, aspirando a mellorar o seu bronce do 2021 en disco. Outro competidor será o xavelinista Enzo López do At. Barbanza quen xa fora medallista no nacional Sub16 de Lleida.
Por último, segundo apunta a Federación, poderemos seguir as evolucións no martelo do céltico Eric Méndez quen pouco a pouco volve a estar na élite nacional logo da súa importante lesión do ano pasado.
O listado de competidoras
| ATLETA | CLUB | PROBA |
| Xiana Lago | Ría Ferrol | Disco sub20 |
| Marta Neira | Valencia Atletismo | Martelo sub20 |
| Blanca Pereira | Ourense Atletismo | Martelo sub18 |
| Mar Simón | AF Celta | Martelo sub16 |
| Marta Hermida | AF Celta | Martelo sub16 |
| Paula Piñón | AF Celta | Xavelina sub20 |
| Antía Otero | CA Narón | Xavelina sub16 |
| Lara Iglesias | Samertolameu | Xavelina sub16 |
