A liga nacional de roller derby ARDE – WFTDA onde participan 14 equipos da península xa deu o seu pistoletazo de saída! Asturias e País Vasco xa se enfontraron o pasado sábado coa emocionante victoria das vascas, menores en número pero boas coñecedoras da estratexia que caracteriza este deporte.
Esta fin de semana terá lugar o primeiro encontro do Team Galiza Roller Derby. As patinadoras galegas máis indómitas viaxarán dende as diferentes provincias ate Reus para xogar contra Insubmises Roller Derby. O partido terá lugar no pavillón Celia Artiga, o sábado 26 de marzo ás 17:30 horas.
As galegas estiveron preparándose cunha semana dura de adestramentos para acadar o mellor resultado posible contra as compañeiras catalanas, que as superan en número e destacan pola súa excelente habilidade sobre patíns
