A volta do Atlético Guardés á competición europea vai ter que esperar. Dous casos de COVID-19 no Club Balonmano Elche, o rival ao que se enfrontarían as galegas este domingo na ida do Last16 da EHF European Cup, obrigan a adiar a cita.
Desde o Atlético Guardés informan de que están dispostas a manter a data do partido da volta, en A Guarda, se se garanten as medidas sanitarias. Un anuncio que xa comunicaron á federación europea e ao propio Elche.
#EHFEuropeanCup 🏆| Debido a casos de covid-19 en el @cbm_elche, el partido de este domingo (12 h) correspondiente a la ida del Last 16 de la EHF European Cup ha sido suspendido. pic.twitter.com/Qmu8c3zqvv
— Club Bm. Atl. Guardés (@Atlguardes_ofic) January 8, 2021
O regreso a Europa, en stand by
Este encontro supoñía a volta á competición europea as galegas despois de dez meses, cando o conxunto de A Guarda caeu nos cuartos de final da Challenge Cup contra o Aula Alimentos de Valladolid.
Finalmente, as galegas deberán esperar nun principio unha semana máis. A Federación Europea de Balonmán ven de anunciar que a eliminatoria se disputará a partido único no que nun principio sería a volta, na pista das galegas, o próximo domingo, 17 de xaneiro, ás 19:00 horas.
