O Circuíto Nacional de Volei Praia 2022 fará parada na cidade galega da Coruña. Esta mañá o Consello Superior de Deportes acolleu a presentación do evento, coa presenza da concelleira de Deportes coruñesa Mónica Martínez..
A Real Federación Española de Voleibol anuncia nunha nota de prensa que retoma a xestión do torneo, xunto a Madison, promotor exclusivo desde hai unha década. Coa chegada de novos promotores, a competición aumenta o seu número de probas.
Así será a competición
A aposta do volei praia español por manter o modelo de grandes eventos deportivos amplía a conta de probas a disputar na gran cita da modalidade da area, ademais de establecer un sistema de calificación por estrelas para a categorización de cada proba, en función das infraestruturas, premios e número de participantes nas mesmas. Iberdrola volve ser o patrocinador principal do Circuíto Nacional de Volei Praia na súa categoría feminina, nun circuíto aberto e igualitario entre xogadores e xogadoras con idénticas cantidades de premios.
O torneo estará formado por nove probas, sete do CNVP e a estelares Copa de SM o Rei e SM a Raíña, que abre en Menorca o calendario do 29 de abril ao 1 de maio; e o Campionato de España de Volei Praia que volverá celebrarse na Reserva do Higuerón ( Fuengirola) do 1 ao 4 de setembro. O CNVP permitirá aos afeccionados españois gozar da espectacularidade do vóley praia ao longo da xeografía nacional.
O torneo pasará por Asturias, Madrid, Murcia, Gran Canaria e Andalucía. O turno de Galicia chegará en agosto, coa Coruña sendo sede entre o 4 e o 7 do mesmo mes e unha nova sede que aínda está por anunciar. Estes dous eventos “certificarán a chegada dos mellores xogadores da clasificación nacional a terras galegas por vez primeira”. A competición rematará en setembro en Formentera.
O Presidente da RFEVB Agustín Martín Santos quixo abrir “unha nova etapa, a do Circuíto Nacional de Volei Praia“. “Tanto desde Madison como desde a RFEVB cremos conveniente un novo formato de organización do CNVP, que satisfaga os intereses de todas as partes e que nos permita seguir traballando no crecemento do Volei Praia. Gran parte do que é hoxe o CNVP debémosllo a Madison, e é obrigado facer unha referencia a eles”.
Martín Santos resaltou a importancia de iniciar o curso deportivo en canto a esta modalidade deportiva refírese e superar a barreira psicolóxica da pandemia. “Constatar a consolidación do CNVP como un dos grandes eventos do deporte nacional” cun incremento no número de probas e a súa categorización por estrelas segundo o nivel da proba, que permite reflectir “a boa saúde do volei praia, un deporte que está en constante crecemento”.
Mónica Martínez: “Para a cidade é un orgullo acoller unha proba do Circuíto Nacional”
No acto, a concelleira Mónica Martínez asegurou que “para a cidade é un orgullo acoller unha proba do Circuíto Nacional. A nosa situación é perfecta para que tanto os participantes como o público poida desfrutar. A Coruña é sinónimo de deporte”.
🗣 A concelleira @mmartinez____
estivo no acto de presentación, onde destacou que “para a cidade é un orgullo acoller unha proba do Circuíto Nacional. A nosa situación é perfecta para que tanto os participantes como o público poida desfrutar. A Coruña é sinónimo de deporte”. pic.twitter.com/XD2Tq519HL— A Coruña Deportes (@coruna_deportes) April 21, 2022