Unha das citas clásicas do remo estatal, a ‘Bandera de La Concha’, recupera este ano 2022 todo o seu pulo tras o freno das restriccións pola COVID-19. Logo de dous anos lonxe da normalidade, prevese que milles de persoas se dean cita na praia de Donosti para seguir a competición como acontecía antes do inicio da pandemia. Alí estarán 19 traineiras para loitar por ondear a bandeira de campioas femininas, delas cinco serán galegas: CR Cabo da Cruz, Chapela, Rianxo, Mugardos e Tirán conforman o quinteto galaico.
O resto de traiñeiras que participarán nesta cita de La Concha son as seguintes: Castro Urdiales, Castropol, Zumaia, Deusto, Arraun Lagunak, Hernani, Hibaika, Hondarribia, Ondarroa, Orio, Portugalete, Tolosaldea e Zarautz.
No caso da competición masculina o número de embarcacións elévanse ata as 24. Tamén haberá tripulacións galegas. Serán as do CR Cabo da Cruz que leva barco en categorías masculina e feminina, e as de Ares, Bueu, Samertolameu. O resto de barcos son os de Arkote, Urdaibai, Castro Urdiales, Castropol, Zumaia, Deusto, Getaria, Hibaika, Kaiku, Lapurdi, Lekittarra, Hondarribia, Mutriku, Ondarroa, Orio, San Juan, San Pedro, Pedreña, Zarautz e Zierbena.
A competición clasificatoria terá lugar o mércores 31 de agosto ás 18:00 horas no caso da regata masculina, e o día seguinte no mesmo sitio e hora no caso da feminina, é dicir, o xoves 1 de setembro. Xa os días 4 e 11 de setembro con regata a dobre xornada, terá lugar a loita pola bandeira. Á cita feminina está prevista para as 11:00, e a masculina para as 12:00.
Eneko Goia, alcalde de Donostia: “Estábamolo desexando”
Na presentación da ‘Bandera de La Concha’, o alcalde de Donostia, Eneko Goia, manifestou que a Concha “volve con toda a súa enerxía e será novamente un gran espectáculo”, despois de dous anos nos que a regata celebrouse pero sen a presenza de público. Goia sinalou que durante os dous domingos de setembro “Donostia convértese na capital do remo e do deporte para miles de afeccionados de todo Euskadi e doutras zonas, polo que a nosa cidade disponse a “acoller cos brazos abertos” a todos os que veñan gozar.
“Estabamos a desexalo”, indicou o primeiro edil donostiarra, que sinalou que “La Concha é un dos fitos anuais para todo donostiarra, e forman parte da historia, a esencia e a idiosincrasia da nosa cidade”.
En La Concha hai igualdade de premios para as regatas feminina e masculina
Segundo explican desde o concello de Donostia, “mantendo o compromiso coa igualdade, a contía dedicada a premios será a mesma nas modalidades feminina e masculina, elevándose a un total de 85.500 € en ambas as modalidades, correspondendo un premio económico de 25.000 € e bandeira ás tripulacións clasificadas en primeiro lugar”.
Por oitava edición consecutiva, ADEGI entregará un premio consistente en 5.000€ e trofeo (reprodución dunha traiñeira) á traiñeira guipuscoana que consiga o mellor cómputo de tempo total nas dúas regatas finais, tanto na modalidade feminina como masculina.
Así mesmo, e do mesmo xeito que fixo a pasada edición 2021, Euskadiko Kirol Portuak patrocinará a Bandera de La Concha nas súas dúas modalidades, feminina e masculina. Entregará un trofeo a cada unha das tripulacións vencedoras á vez que se realice a entrega da Bandeira 2022.
Farase unha homenaxe a Elcano
O 6 de setembro de 1522 o mariño getariarra Juan Sebastián Elcano, capitaneando a Nave Vitoria, chegou a San Lúcar de Barrameda tras realizar por primeira vez a volta ao mundo. Pasaron 500 anos e as Regatas de Donostia queren render homenaxe ao mariño que abriu as portas ao intercambio cultural, económico, agropecuario e social entre diferentes continentes.
Así, este ano as ‘Banderas de La Concha’ contarán cunha lazada na que se rememorará esta xesta histórica.
Así mesmo, o 4 de setembro o navío portugués Vera Cruz fondeará na baía donostiarra durante o desenvolvemento das regatas. Trátase dunha réplica dunha carabela portuguesa dos séculos XV-XVI, construída no ano 2000 con motivo do 500 aniversario do descubrimento de Brasil. Ten 23,8 metros de eslora e o seu peso
rolda as 100 toneladas.
O día 6, Día de Elcano, a carabela participará nos actos conmemorativos preparados polo Concello de Getaria para a ocasión.
Cartel para el reencuentro: “Xuntos de novo!”
O cartel deste ano é obra do deseñador visual Brenno Henrique e titúlase “Xuntos de novo!”. Pretende celebrar a volta a unhas regatas espléndidas nas que miles de persoas volverán reencontrarse.
As regatas de La Concha organizáronse por vez primeira no ano 1879 como un elemento máis do programa de festas de Donostia. Empregáronse para a regata traiñeiras de pesca que ata entón viñanse enfrontando entresí en desafíos con cartos de prormedio para ver quen era mellor, segundo explican desde Donostia Kultura. Desde o ano 2008 as regatas de Donostia contan tamén con bandeira feminina.
Entradas e prezos para seguir a competición
O visionado das regatas desde Paseo Novo, Urgull, Peirao e Alderdi Eder terá os seguintes prezos:
- 4 € para a entrada xeral
- 2 € para a entrada reducida (parados, pensionistas e menores de 30 anos)
- Gratis para nenas e nenos ata os 12 anos
- 8 € para a entrada de tribuna (gratis para nenas e nenos ata os 6 anos se non ocupan asento)
Ademais, a carabela ofrece a posibilidade de que 20 persoas poidan ver as regatas desde o centro da baía. Así, ata o 31 de agosto ás 23:59 horas pódese participar no sorteo de 5 invitacións dobres para gozar das regatas o 4 de setembro.
Para participar no sorteo hai que encher o formulario dispoñible na dirección: www.donostiakultura.eus/festak/regatas. O sorteo celebrarase o día 1 de setembro ás 12:00 horas nas oficinas de Donostia Kultura Festak (Pz. Constitución).
Bases de competición da Bandera de La Concha 2022
Listado de participantes nas regatas clasificatorias do 31 de agosto e 1 de setembro
- Masculina – Participantes na clasificatoria do 31 de agosto
- Feminina – Participantes na clasificatoria 1 de setembro
Campos de regatas das clasificatorias do 31 de agosto e 1 de setembro
- Feminina – Campo de regatas da clasificatoria del 1 de setembro
- Masculina – Campo de regatas da clasificatoria do 31 de agosto
Campos de regatas da primeira e segunda xornada (4 e 11 de setembro)
