Esta fin de semana, o Cidade de As Burgas recibirá na súa pista ao Leganés FS para disputar o partido adiado da segunda xornada da Primeira División do Fútbol Sala, aprazado por tres casos positivos no club visitante o pasado mes de outubro. O cruce terá lugar o domingo 27 de decembro a parti das 12:00 horas no pavillón Paco Paz de Ourense e transmitido pola canle de YouTube do Concello de Ourense.
Separados por once puntos, galegas e madrileñas chegan cunha traxectoria moi distinta ao encontro. O Cidade de As Burgas está a ter unha tempada difícil. Con sete partidos xogados, as ourensás só conseguiron puntuar cun empate ante o Teldeportivo e ocupan a penúltima posición da táboa do Grupo A cun punto.
Con todo, tanto o seu adestrador, Manolo Codeso, como as xogadoras, non perden a esperanza e a enerxía e están convencidas de que con traballo e esforzos os puntos comezarán a chegar pronto. Os últimos resultados non refrexan o seu xogo na pista, xa que na última xornada disputada, no derbi ante o Ourense Envialia loitaron con unllas e dentes.
O Envialia lévase o derbi ourensá vencendo ao Cidade de As Burgas por 1-3
O equipo entrenado por Codeso está cheo de xoves promesas do futsal como Fara Antolín (autora dun gol no derbi e en racha), Sol Pedrera, África Pazos ou Carlota Garayzabal (que debutou cun tanto ante o Futsi Atlético).
No lado contrario, estará o Leganés. As madrileñas chegan de dúas vitorias con nove goles a favor nos dous últimos partidos e con doce puntos en total que as sitúan na cuarta posición da clasificación do Grupo A.
As madrileñas viaxan a Galicia fortes e confiantes, tras lograr a vitoria contra o Roldán na novena xornada competitiva, un rival directo, sentenciando o partido nos minutos finais.
O Cidade deberá imitar ás súas veciñas do Ourense Envialia, último equipo en gañar ao Lega na xornada 7, cun 4-6 no marcador. Despois deste partido, as futbolistas irán ao parón de Nadal e retomarán a Liga a fin de semana do 17 de xaneiro.
