A tempada remata para o Cidade de As Burgas, que poderá dicir adeus á Primera División en casa., no pavillón dos Remedios. As xogadoras terán como rival ao Sala Zaragoza, e a cita terá lugar este sábado, 12 de xuño, ás 17:00 horas.
As ourensás deberán facer fronte a un dos mellores equipos do grupo D, que pelexa pola permanencia. As mañas son as terceiras clasificadas, e selaron precisamente a súa salvación na máxima categoría cunha vitoria ante o Cidade de As Burgas o pasado mes de abril.
No partido da primeira volta desta segunda fase as galegas lograron facer un gran inicio de partido, pero foron perdendo enerxías e acerto co paso dos minutos. O club ourensán golpeu primeiro, pero finalmente caeu derrotado por un 4-3.
O que será o conxunto visitante acumula un coeficiente do 1,52, e un total de 38 puntos, froito de doce vitorias, dous empates e once derrotas. Pola contra, as galegas do Cidade de As Burgas son as terceiras pola cola, cun balance de tres vitorias, cinco empates e 16 derrotas, e un coeficiente de 0,58 puntos.
