O Cidade de Lugo Fluvial proclamouse en Alcobendas campión español en Duatlón Contrarreloxo por Equipos, na primeira xornada da Liga Nacional de Clubes.
A proba elite feminina tivo nas lucenses un claro equipo gañador, coa triatleta internacional Carolina Routier á cabeza. O Cidade de Lugo Fluvial colgouse o ouro cunha marca de 01:07:29, cun conxunto formado por Elsa Pena, Natalia Hidalgo, María Casals, Ana Patricia Mulet e Lucía Vergara, ademais de Routier.
Moi preto das galegas, pero rematando en segunda posición, qeudou o Saltoki Trikideak, cun tempo de 01:07:49. Pechando o medalleiro quedou o tamén galego AD Náutico de Narón, co bronce. As naronesas, cun equipo formado por María Alzaga, Pilar García, Natalia Castro, Nerea García, Laura Rodríguez e Sara Guerrero. Esta última foi ademais campioa de España en Duatlón a mediados do mes de abril en Avilés.
Varias posicións por debaixo, na duodécima, o Triatlón Inforhouse Santiago clasificouse cunha marca de 01:15:12. Neste equipo participaron Ainoa Gontan, Ana Luisa Vieira, Esther Rodríguez, Lara Castro, Laura Izquierdo e Ana García.
A participación galega rematou co Club Olímpico de Vedra na posición 26ª. Neste club competiron Mariam Ferran, Gabriela Quintas, María Elena Miguens, Lliliana Pereira, Patricie Vladel e Andrea Espiño, logrando un tempo de 01:20:38.
