Os campionatos de España de tríatlon que se celebraron na cidade da Coruña deixaron como campión da proba de Relevos Mixtos ao Cidade de Lugo Fluvial. Cun tempo de 01:09:10, as lucenses proclamáronse campioas.
A quinta xornada da Liga Iberdrola e a Liga Masculina de Tríatlon tivo outro galego no podio. O Tríatlon Inforhouse Santiago foi o terceiro clasificado, colgándose a medalla de bronce.
O ouro dos Relevos Mixtos vai para Lugo
A competición celebrada en terras coruñesas estivo moi competida. O Cidade de Lugo Fluvial acudía á cita como un dos favoritos, e afrontaba a xornada do domingo despois de perder o liderado fronte ao AD Náutico de Narón no campionato por clubs, quedando en segunda posición.
O Náutico de Narón vence no Campionato de España de Tríatlon por Clubs
Desta vez, as atletas lucenses si conseguiron subir ao máis alto do podio, para rematar por proclamarse campioas de España na modalidade. A gran actuación de Iria Rodríguez, Andrés Cendán, Cecilia Santamaría e Guillem Montiel, o club lugués mantén o liderado da Liga Nacional, a falta de dúas xornadas para a súa finalización.
Na posición de prata quedou o Saltoki Trikideak, cun tempo de 01:09:24, rozando ás vencedoras destes Relevos Mixtos. O podio dos relevos mixtos estivo rifado ata o final, cun Tríatlon Inforhouse Santiago que rematou terceiro, cunha marca de 01:09:34.
Na competición tamén estivo presente o AD Náutico de Narón, quinto clasificado, o Tríatlon Arteixo, undécimo, o Club Olímpico de Vedra, 18º e o Tríatlon Ferrol, 30º.
A categoría Open foi dominada polo Triatlón Soriano, seguido polo E-Triatlón Valladolid e La 208 Triatlón Club.
O Tríatlon Ferrol foi o galego mellor clasificado nos Relevos Mixtos Talentos
Na modalidade talentos deste Campionato de España de Relevos Mixtos, a participación galega tivo menos éxito. O Tríatlon Ferrol foi o equipo irmandiño mellor clasificado, quedando en quinta posición, cun tempo de 01:16:19.
Tamén competiu o Cidade de Lugo Fluvial, que rematou décimo, o Tríatlon Inforhouse Santiago, 16º clasificado, o AD Fogar, 17º, o AD TRI-PENTA Terras de Lugo, 26º, e o Club Tríatlon Compostela, derradeiro clasificado na 28ª posición.
Durante a fin de semana celebrouse tamén a Copa do Mundo de Paratríatlon, coa galega Susana Rodríguez Gacio proclamándose campioa mundial.
Susana Rodríguez álzase co ouro na Copa do Mundo de Paratríatlon
