O Cidade de As Burgas quere manter o bo sabor da boca da semana pasada tras gañar na casa ante o Xaloc. Nesta ocasión, as ourensás viaxan a Murcia para enfrontarse ao Roldán no pavillón Gabriel Pérez ás 16:00 horas de mañá.
A moral polas nubes e moitas ganas de seguir sumando para lograr o obxectivo, manter a categoría na máxima división do fútbol sala. De este xeito afronta o partido o Cidade, nunha pista sempre complicada e ante un Roldán que querrá poñer terra de por medio cos postos de descenso.
“Despois da vitoria do sábado pasado vese todo moi diferente. Notouse nos adestramentos desta semana. Adestramos con moita máis alegría e collemos máis moral. O partido de Roldán é importante para puntuar e seguir con esta dinámica. Cada partido que nos queda é unha final”, falaba Codeso do bo ambiente que se vive dentro do vestiario tras a vitoria da semana pasada.
Manolo Codeso, adestrador do Cidade de As Burgas: “O partido de Roldán é importante para puntuar e seguir con esta dinámica. Cada partido que nos queda é unha final”.
@Jaimepazprexi
Confianza a pesar da baixa da gran capitana
O adestrador galego sabe que encadear dúas vitorias seguidas sería un punto de inflexión para o equipo: “Imos coa intención de tentar puntuar. É un rival moi difícil que leva moitos anos en primeira. En casa son un equipo moi duro, pero imos ir alí coas nosas armas e a tentar facerlles dano”.
Manolo Codeso, adestrador do Cidade de As Burgas: “A moral está alta e o único punto negativo é a baixa de Sonia por motivos laborais. É nosa gran capitá e esperemos que non se note moito”.
“Imos xogar con moita intensidade e presión alta desde o minuto uno. Estamos a dous partidos da salvación e queremos recortar esa distancia o máximo posible para chegar á recta final con posibilidades de manternos na máxima categoría”, destacaba sobre o obxectivo das verdes de cara á segunda volta.
Manolo Codeso, adestrador do Cidade de As Burgas: “Estamos a dous partidos da salvación e queremos recortar esa distancia o máximo posible para chegar á recta final con posibilidades de manternos na máxima categoría”.
O Cidade de As Burgas viaxa cara terras murcianas coas baixas de Iria e Aroa, ademais da xa mencionada baixa da capitana, Sonia. Gañar e seguir soñando, esa é a filosofía que reina no vestiario ourensán.
