Unha xornada máis, o Cidade de As Burgas non é quen de puntuar e manterase na parte final da táboa. Porén, o equipo non puntuou, pero logrou poñerlle as cousas difíciles ao rival, un STV Roldán FS que acadou neste encontro a súa primeira vitoria desta tempada na Primeira División do Fútbol Sala Feminino da RFEF.
A primeira metade foi dominada polas visitantes. Un rápido tanto do Roldán no minuto 4 asinado por Lola grazas a un balón perdido en banda marcou o ritmo da primeira parte.
As galegas, dirixidas por Manolo Codeso, tentaron sorprender ao rival con pases longos, pero sen chegar á meta contraria. Pola súa banda, as murcianas case sentenciaron o partido antes do descanso, cos tantos de Marta Pelegrín no minuto 15 nunha xogada de saque de banda e, de novo, Lola, quen aproveitou un fallo na saída do balón local para volver marcar un gol xa no minuto 17.
O Cidade de As Burgas subiu o nivel na segunda metade
O escenario mudou na segunda parte, cando o Cidade de As Burgas prantoulle cara ás visitantes. Ao primeiro minuto da volta do descanso, Clara marcou un tanto para as burgalesas tras a saída dun saque de esquina. Un par de minutos despois, Lucía Nespereira chegaba á meta rival cun remato ao pao e no minuto 24 as galegas recortaban distancias co estreo como goleadora de Fara, despois dunha xogada trenzada a pase de Amelia.
As oportunidades seguiron sucedéndose para o conxunto de Codeso, protagonizadas por Clara e unha dobre ocasión de Amelia. Isto non foi suficiente para que as galegas, loitando xa cun xogo de cinco, empatasen o partido.
Ao borde do final do encontro, a oito segundos do pitido final, Lola asinou o seu hat trick grazas a un remate sola ao segundo pao. Desta forma, o conxunto ourensán segue con 0 puntos na competición e prepararase para tentar puntuar contra o outro colista, tamén galego, neste caso o Viaxes Amarelle. Ambas as dúas escuadras veranse as facianas na próxima xornada.
FICHA TÉCNICA
CIDADE DE AS BURGAS: Iría Rodríguez; Sonia Pacios, Fara, Amelia e Clara (quinteto inicial). Tamén xogaron: Sol, Lucía Nespereira, Nahir, Canolich, Ana e María Velle.
ROLDÁN FSF: Almudena; Noelia, Alba Gandía, Lola e Ángela (cinco inicial). Tamén xogaron: Consuelo, Marta Pelegrín, Andrea, Marta de los Riscos, Mariángeles e Cristina.
GOLES: 0-1, minuto 4, Lola; 0-2, minuto 15, Marta Pelegrín; 0-3, minuto 17, Lola; 1-3, minuto 21, Clara; 2-3, minuto 24, Fara; 2-4, minuto 40, Lola.
ÁRBITROS: Menéndez Nistal e Vilas López. Amonestaron a Ana, Clara, Lucía Nespereira e Sonia, por parte do Cidade de As Burgas e a Andrea e Cristina no Roldán FSF.
INCIDENCIAS: Partido correspondente á jornada 4ª da Primeira División do Fútbol Sala Feminino da RFEF disputado no Pavillón Paco Paz, en Ourense.
