Aínda que por mor da COVID a loxística da viaxe complicouse (atopar restaurante ou hotel para a expedición foi tarefa máis árdua que de costume), o Cidade de As Burgas xa está rumbo a Barcelona para retornar á competición.
O rival das galegas no seu debú no curso 2020-2021 é o Penya Esplugues. Esta cita de estrea das ourensás na Primeira División do Fútbol Sala Español está marcada para as 16:00 horas de hoxe, sábado 17 de outubro, no pavillón CEM Les Moreres na localidade catalá de Esplugues de Llobregat.
Sete meses despois o equipo que adestra Manolo Codeso volta á estrada e á cancha. As futbolistas do Cidade de As Burgas solventaban os pertinentes test da COVID-19 previos ao desprazamento con pleno de negativos. Realizaron as probas no Centro Médico El Carmen.
Hoy viajamos hacia Barcelona con el 100% de negativos
Ayer toda la plantilla y cuerpo técnico ha vuelto a pasar los test en nuestro centro de confianza y colaborador @CM_ElCarmen pic.twitter.com/MTFSx5Dh9c
— Cidade de As Burgas FS (@cidadeasburgas) October 16, 2020
Tamén as locais superaron o primeiro e inexcusable trámite que esta tempada precederá a todos e cada un dos partidos tanto no fútbol sala como noutras disciplinas deportivas. O máis importante nestes tempos de pandemia é procurar previr na medida do posible o contaxio da COVID-19 por parte dos equipos e o seu entorno.
Test negativos, ¡preparadas para comenzar!
1ra jornada contra el @cidadeasburgas pic.twitter.com/7Vd1S7jjAR— AE Penya Esplugues (@PenyaEsplugues) October 17, 2020
Nun foi tan importante na vida ser negativo como estes tempos. Con todo, en canto o árbitro asubíe o inicio do partido en terras catalás, o positivismo que adoita agromar nas filas do conxunto ourensá do Cidade de As Burgas volverá estar aí, como sempre tempada a tempada.
Manolo Codeso, adestrador do Cidade de As Burgas: “Confío plenamente neste grupo”