O Cidade de As Burgas saíu ao encontro sen complexos e con ganas de impresionar ante o invicto e todopoderoso Futsi. As ourensás puxéronse por diante no minuto nove de partido pero acabaron sucumbindo por 1-9 ante o líder que conta todos os seus partidos por vitorias.
Manolo Codeso, adestrador do Cidade de As Burgas: “Creo que saímos con moita intensidade. Elas tivéronse que esforzar ao 400% para poder superarnos”.
Froito de esa ousadía ourensá chegaría o primero tanto do encontro para as galegas quen á saída dun saque de banda en potente remate de Lucía Nespereira conseguía bater a Belén despois de tocar en Leti. Non durou moito a alegría ás de Manolo Codeso xa que pouco despois igualaba o choque o conxunto branquivermello nun remate á escuadra de Ari despois dunha boa combinación ofensiva.
Manolo Codeso, adestrador do Cidade de As Burgas: “Fomos a por o partido con moito empuxe pero quizá faltounos cabeza. O Futsi veu aquí a non perdoar”.
De potente punterazo desde a frontal da área, de novo a brasileira Ari conseguía bater a Ana López Lastra para poñer por diante por primeira vez no choque ás madrileñas. As galegas reaccionaban subindo a intensidade da súa presión a toda a cancha.
Despois dun roubo de balón en primeira liña de presión, a gaditana Amelia Romero remataba ao segundo pau para subir o 1 a 3 ao luminoso. Xa no tramo final do período, Clara anotaba en propia porta no seu intento de despexar un remate afastado do Futsi tras unha contra.
Manolo Codeso, adestrador do Cidade de As Burgas: “Estamos a tentar facer algunhas variacións tácticas e se podemos facelas contra estes equipos grandes seguro que logo ante equipos da nosa Liga sairanos ben”.
Co partido encarrilado para as visitantes concluía o primeiro acto. Ao pouco da continuación, María Sanz ao segundo pau a pase de Irene Córdoba subía o 1 a 5 ao luminoso. En xogada de estratexia á saída dun saque de esquina Anita Luján anotaba o sexto gol branquivermello. Pouco despois en xogada persoal e de potente disparo moi afastado, tras roubo balón, Amelia Romero anotaba o 1 a 7.
Manolo Codeso, adestrador do Cidade de As Burgas: “Que a xente non se preocupe a pesar destes resultados avultados. Estou convencido que a final de tempada todo vai saír ben e terá sentido. Estamos a crecer como equipo e iso é o importante”.
A seis da conclusión en xogada persoal María Sanz subía o oitavo gol visitante, ante un Cidade que seguía a facer rotacións e probas. Xa no tramo final do partido a arxentina Becha pechaba a goleada do aínda máis líder, Futsi Atlético Navalcarnero que aproveita o empate desta mañá do Pescados Rubén Burela na casa do Roldán.
Manolo Codeso, adestrador do Cidade de As Burgas: “Estes resultados tan malos de agora seguro que serán alegrías nun futuro”.
FICHA TÉCNICA
CIDADE DE AS BURGAS: Ana López Lastra; Nahir, María Arias, Clara y Amelia (quinteto inicial). Tamén xogaron, Lucía Nespereira, Sonia Pacios, Canolich, Nati, Aroa, María Belle e Iria.
FUTSI NAVALCARNERO: Belén; María Sanz, Leti, Anita Luján y Amelia Romero (quinteto inicial). Tamén xogaron, Irene Córdoba, Ari, María Córdoba, Gaby, Becha, Albita y Marta Balbuena.
GOLES:
1-0, min. 9 Lucía Nespereira
1-1, min. 10 Ari
1-2, min. 11 Ari
1-3, min. 12 Amelia Romero
1-4, min. 16 Clara (propia puerta)
1-5, min. 21 María Sanz
1-6, min. 24 Anita Luján
1-7, min. 27 Amelia Romero
1-8, min. 34 María Sanz
1-9, min. 36 Becha
COLEXIADOS: José Luis Media e Jesús Ángel Santoveña do colexio galego. Sen amonestacións.
INCIDENCIAS: Pavillón dos Remedios. Máis de 400 espectadores.
