Está preto de chegar un dos días marcados en vermello no calendario do Cidade de As Burgas. Reciben ao todopoderoso Futsi Navalcarnero no pavillón dos Remedios o sábado ás 17:00. O conxunto ourensá é consciente da dificultade maiúscula do partido, pero chegan con moitas ganas e ilusión de facer saltar a sorpresa e ser o primeiro equipo en rabuñar puntos ás madrileñas.
O adestrador galego do Cidade de As Burgas, Manolo Codeso, falou durante a previa da ilusión que predomina no vestiario verde de cara a un dos encontros da xornada: “Temos moitísima ilusión de xogar o partido. Elas chegan invictas e queremos ter a posibilidade de ser o primeiro equipo que rabuña algún punto. Xa de seu é dificilísimo puntuar contra elas pero é un aliciente que agora mesmo temos case todos os equipos, tentar bater ao Futsi”.
Manolo Codeso, adestrador do Cidade de As Burgas: “Temos moitísima ilusión de xogar o partido. O Futsi chegan invictas e queremos ter a posibilidade de ser o primeiro equipo que rabuña algún punto”.
“Ogallá sexamos nós a que demos a sorpresa o sábado. O Futsi é dos mellores equipos xa non só de España senón do mundo. Para nós é unha ilusión enorme que nos visiten na nosa casa. Hai que animar á afección a que veñan gozar do partido. Temos que sentirnos orgullosas de que se xogamos contra este equipazo, significa que estamos a xogar na mesma categoría que elas”, apuntaba o técnico galego ilusionado ante a gran cita.
Manolo Codeso, adestrador do Cidade de As Burgas: “”Ogallá sexamos nós a que demos a sorpresa o sábado. Temos que sentirnos orgullosas de que se xogamos contra este equipazo, significa que estamos a xogar na mesma categoría que elas”.
As galegas saben da dificultade de acadar algún punto pero “temos moito que gañar e pouco que perder e imos ao partido con esa intención. O Futsi é un equipo que a parte de marcar moitos goles, domina case todo o partido. Non che deixa ter balón e bate case todos os récords. É un equipo afeito a gañar títulos e logo nunca teñen ese mal día no que se lle pode rabuñar puntos”, destacou Codeso.
Manolo Codeso, adestrador do Cidade de As Burgas: “Temos moito que gañar e pouco que perder e imos ao partido con esa intención. O Futsi é un equipo que a parte de marcar moitos goles, domina case todo o partido”.
Manolo Codeso tamén sinalou a fortaleza do seu equipo de cara ao encontro: “Temos que aproveitar que na casa somos un equipo moi duro. Sei que o adestrador vén preparado para sufrir e pelexar cada balón. É o que nos caracteriza. Cada equipo que visita Os Remedios teñen que vir co mono de traballo e saben que cada vez llo poñemos máis difícil. Temos que aproveitar as nosas armas”.
Manolo Codeso, adestrador do Cidade de As Burgas: “Temos que aproveitar que na casa somos un equipo moi duro. Sei que o adestrador vén preparado para sufrir e pelexar cada balón. É o que nos caracteriza”.
De cara a visita do líder, o técnico destacou que “este é un partido para que a afección disfrute e que nos vexan gozar a nós sobre a pista. Quero deixar claro de que non se preocupen polo resultado doutro día co Alcorcón. Foi un accidente e agora mesmo estamos preparadas para outro rival moi grande. Imos deixarnos a pel en cada en cada balón, en cada minuto e esperamos que a nosa xente se senta orgullosos de nós”.
Manolo Codeso, adestrador do Cidade de As Burgas: “Este é un partido para que a afección disfrute e que nos vexan gozar a nós sobre a pista. Imos deixarnos a pel en cada en cada balón, en cada minuto e esperamos que a nosa xente se senta orgullosa de nós”.
