Poucas derrotas, ademais así de contundentes (7-0), poderán deixar nos beizos un sabor tan doce como a que imos contar nesta crónica. O Cidade de As Burgas GLS perdía na súa visita ao Pavillón da Sagrada Familia da Coruña por un marcador tan rotundo como irrelevante para o obxectivo final das ourensás nesta fase da competición. O resto de resultados da xornada e, sobre todo, o traballo desarrollado nesta liga, coloca ás pupilas de Manolo Codeso como o segundo equipo do Grupo 1 da Segunda División do FSF da RFEF que xogará o play-off de ascenso á Primeira División.
O Viaxes Amarelle FSF recibía ao Cidade de As Burgas GLS co seu billete para o play-off no peto e o título de campioas de grupo tamén asegurado matematicamente. Así, as verdibrancas fixéronlle o pasillo ás campioas laranxas ao saltar á súa cancha.
Era este partido, derbi galego, un cruce entre equipos que se respetan e se teñen aprecio, pero que sempre queren gañar. Así que como di o refraneiro: “amiguiños si, pero a vaquiña polo que vale”. Nin cos deberes feitos quixo o Viaxes Amarelle FSF renunciar a seguir co seu paso firme e a súa serie inquebrantable de vitorias. A vítima foi, desta volta, un Cidade de As Burgas GLS que, pese a asinar unha segunda volta magnífica, chegaba con menos efectivos dos que quixera a medirse coas lideresas. O resultado: 7-0.
1. Viaxes Amarelle vs Cidade de As Burgas GLS / VIAXES AMARELLE FSF
Viaxes Amarelle vs Cidade de As Burgas GLS / VIAXES AMARELLE FSF
2. Viaxes Amarelle vs Cidade de As Burgas GLS / VIAXES AMARELLE FSF
Viaxes Amarelle vs Cidade de As Burgas GLS / VIAXES AMARELLE FSF
3. Viaxes Amarelle vs Cidade de As Burgas GLS / VIAXES AMARELLE FSF
Viaxes Amarelle vs Cidade de As Burgas GLS / VIAXES AMARELLE FSF
4. Viaxes Amarelle FSF / VIAXES AMARELLE FSF
Viaxes Amarelle FSF / VIAXES AMARELLE FSF
5. Viaxes Amarelle FSF / VIAXES AMARELLE FSF
Viaxes Amarelle FSF / VIAXES AMARELLE FSF
O equipo herculino que prepara o adestrador Jorge Basanta afrontaba esta fin de semana un emocionante, un derbi galego contra o segundo clasificado, o Cidade de As Burgas FSF GLS. O conxunto coruñés, do mesmo xeito que fixera no partido de ida, foi a por todas desde o primeiro segundo de partido. Foi así que conseguiu adiantarse con tres goles aos tres minutos de xogo.
O equipo ourensán buscaba meterse no partido, pero as herculinas mostráronse moi contundentes na pista e terminaron por certificar a vixésimo quinta vitoria tras impoñerse por un marcador de 7-0, con goles de Lau Doce (3), Yaiza (2), Candela Soria e Khrystyna Stepanenko.
1. Viaxes Amarelle vs Cidade de As Burgas GLS / VIAXES AMARELLE FSF
Viaxes Amarelle vs Cidade de As Burgas GLS / VIAXES AMARELLE FSF
2. Viaxes Amarelle vs Cidade de As Burgas GLS / VIAXES AMARELLE FSF
Viaxes Amarelle vs Cidade de As Burgas GLS / VIAXES AMARELLE FSF
3. María Gómez, futbolista do Viaxes Amarelle FSF / VIAXES AMARELLE FSF
María Gómez, futbolista do Viaxes Amarelle FSF / VIAXES AMARELLE FSF
4. Viaxes Amarelle vs Cidade de As Burgas GLS / VIAXES AMARELLE FSF
Viaxes Amarelle vs Cidade de As Burgas GLS / VIAXES AMARELLE FSF
O partido empezaba cun Viaxes Amarelle FSF moi metido no partido, e buscando a portería contraria desde o primeiro segundo de xogo, e diante dun rival que quería facer dano con balóns longos. As herculinas empezan a xerar as primeiras ocasións de xogo, e aos dous minutos, Lau Doce aproveita un rexeite dentro da área para subir o 1-0 ao marcador.
Apenas pasaran uns segundos, e chegaba o 2-0, tras unha deixada de balón a Yaiza, que desde a frontal non perdoaba o gol laranxa. O partido parecía un calco ao da primeira volta, onde as herculinas se tiñan adiantado moi cedo e marcaran así o partido.
1. Viaxes Amarelle vs Cidade de As Burgas GLS / VIAXES AMARELLE FSF
Viaxes Amarelle vs Cidade de As Burgas GLS / VIAXES AMARELLE FSF
2. Sandra Rodríguez, porteira do do Viaxes Amarelle FSF / VIAXES AMARELLE FSF
Sandra Rodríguez, porteira do do Viaxes Amarelle FSF / VIAXES AMARELLE FSF
3. Viaxes Amarelle vs Cidade de As Burgas GLS / VIAXES AMARELLE FSF
Viaxes Amarelle vs Cidade de As Burgas GLS / VIAXES AMARELLE FSF
4. Viaxes Amarelle vs Cidade de As Burgas GLS / VIAXES AMARELLE FSF
Viaxes Amarelle vs Cidade de As Burgas GLS / VIAXES AMARELLE FSF
Pese ao esforzo defensivo visitante, Yaiza chegaba tras unha rápida transición local á meta visitante e anotaba o 3-0, cando aínda non pasaran tres minutos de partido. A gol encaixado por minuto, o Cidade de As Burgas quedaba tocado.
Manolo Codeso buscaba calmar o xogo e reconducir o encontro, e para iso solicitou un tempo morto buscando tratar de reordenar as filas do Cidade. Non funcionou. As locais con vantaxe no marcador, seguían buscando a portería visitante e ampliar distancias, o que chegaría na medianía do primeiro período co gol de Candela Soria, ao finalizar desde dentro da área un ataque local.
Pasaban os minutos e o conxunto visitante non era capaz de parar a un Viaxes Amarelle FSF, que ía a outro ritmo, e a falta de sete minutos para o descanso, Lau Doce poñía o 5-0 no electrónico. Foi ao finalizar unha xogada a pase de Khrystyna Stepanenko. Os últimos minutos da primeira metade, chegaron algunha que outra ocasión máis para as locais, pero o marcador mantívose no 5-0, para irse ambos os equipos ao tempo de asueto.
Na segunda metade o Viaxes Amarelle seguiu sumando goles
Logo do paso por vestarios, o partido estaba xa moi de fronte para o equipo dirixido por Jorge Basanta, pero o Cidade de As Burgas GLS FSF tampouco quería dar por perdido o encontro. As visitantes trataron de sorprender nos primeiros minutos, pero o Viaxes Amarelle FSF seguía presionando e buscando a portería contraria.
A falta de trece minutos para o final, Candela Soria fai unha gran xogada persoal por banda e toca o balón ao centro da área, onde Lau Doce, a pracer sobe o 6-0 ao marcador. Era o terceiro na súa conta particular. Hat trick para a futbolista.
As visitantes empezan a buscar sorprender co xogo de cinco, pero non conseguen finalizar os ataques, tras unha boa defensa do cadro laranxa. A pesar da diferenza no marcador, o Viaxes Amarelle FSF non baixaba a intensidade, e seguía presionando a saída de balón das visitantes, e froito desa presión, chegaba o 7-0 de Khrystyna Stepanenko, a falta de tres minutos, cando rouba un balón diante da porteira visitante e sobe o sétimo das herculinas.
O Viaxes Amarelle FSF certificaba con este resultado de 7-0 unha nova vitoria nesta tempada, e o facía fronte a un segundo clasificado, que a pesar da derrota, certificaba a súa participación no play-off de ascenso a Primeira División do Fútbol Sala Feminino da RFEF. Ademais, o Cidade de As Burgas GLS accede á seguinte fase competitiva, a que determinará os ascensos de categoría, como o segundo con mellor coeficiente de todos os grupos.
Unha última xornada e logo, a polo o play-off
Cidade de As Burgas GLS e Viaxes Amarelle FSF teñen partidos pendentes aínda de esta fase pero abofé que xa están pensando na seguinte etapa e nos rivais que atoparán no seu camiño de regreso á elite. Ambos os dous equipos galegos saben o que é xogar na máxima categoría e queren regresar. Resta unha última xornada de competición regular e logo, os play-off decisivos.
No caso do Viaxes Amarelle FSF o último partido será o vindeiro sábado 28 de maio no Pavillón Municipal da Malata de Ferrol ás 17:30 horas, visitando ao Valdetires Ferrol FSF. Ese mesmo día, no Pavillón dos Remedios de Ourense as verdibrancas que adestra Manolo Codeso reciben ás 18:30 á AD Mioño.
FICHA TÉCNICA
7) VIAXES AMARELLE FSF: Leti Rojo, Lau Doce, Cris Lourés, Yaiza e Candela Soria – quinteto inicial -. Tamén xogaron: Patri Romaní, Èlia Gullí, María Gómez, Carlita, Khrystyna Stepanenko, Daryna Tkachenko, Irune Santesteban e Sandra Rodríguez.
0) CIDADE DE AS BURGAS FSF GLS: Ana Lastra, Sonia Pacios, Lucía Nespereira, Clara Fernández, Nerea Lorenzo – quinteto inicial -. Tamén xogaron: Kiko, Amelia e Nahir.
GOLES: 1-0 Lau Doce (min. 2); 2-0 Yaiza (min. 3); 3-0 Yaiza (min. 3); 4-0 Candela Soria (min. 11); 5-0 Lau Doce (min. 13); 6-0 Lau Doce (min. 27); 7-0 Khrystyna Stepanenko (min. 36).
EQUIPO ARBITRAL: Borja Pérez Muñiz e Alberto Tóvar Rodríguez do Comité Técnico de Árbitros de Santiago de Compostela. Estivo na mesa Iván Enríquez Fontenla do Comité Técnico de Árbitros da Coruña. Amosaron cartón amarelo a Lucía Nespereira nas filas do Cidade das Burgas FSF GLS.
INCIDENCIAS: Partido correspondente á vixésimo quinta xornada do Grupo 1 da Segunda RFEF Futsal Femenino disputado o sábado 21 de maio de 2022 no Pavillón Municipal da Sagrada Familia da cidade da Coruña.
