A COVID-19 está xa dando un respiro aos equipos da Primeira División de Fútbol Sala e comézanse a recuperar os partidos adiados. Un deles enfronta a dous galegos; Cidade de As Burgas GLS e Poio Pescamar disputarán este martes, ás 20:00 horas, a 12ª xornada.
“Temos que ir a Ourense concentradas para competir ao 100%”, sinala a futbolista Andrea Rivera, no que será o segundo partido do Poio desde que remataron o illamento.
Segundo pola cola e segundo na clasificación citaranse en terras ourensás para un partido emocionante. As primeiras, o Cidade de As Burgas, están cada xornada máis preto de atopar o seu xogo gañador.
Malia ter perdido o seu último encontro, contra un STV Roldán claramente superior, no anterior partido que puideron disputar salvaron un punto ante o Leganés. Algo que recorda a súa rival para esta xornada, Ana Rivera, que sinala das ourensás a súa “dinámica positiva” nos últimos duelos.
Pero a pandemia está castigando á competición regular de futsal e de catro xornadas que terían terse disputado este 2021, o Cidade de As Burgas só puido competir en dúas por positivos nos seus rivais.
Peor sorte correron as futbolistas do Poio Pescamar. O equipo adestrado por Manu Cossío tivo a COVID-19 nas súas filas, o que impediu que retomasen a Liga ata a xornada da pasada fin de semana.
A volta chegou cun duelo galego, ante o Viaxes Amarelle, cun resultado favorable para as poienses (2-0). Ao seu regreso as xogadoras pontevedresas non semellaron acusaron o parón e afianzaron un segundo posto que mantiveron ata alonxadas das pistas.
Ana Rivera (Poio Pescamar): “A competición segue e nós temos que continuar”
Ver esta publicación en Instagram
Neste sentido, a futbolista Ana Rivera admite que “está claro que as sensacións non son as mesmas que en xaneiro nin o ritmo da competicion está sendo o mesmo que antes de confinarnos. Pero tamén é certo que a competición segue e nós temos que continuar”.
O Poio sentenciou a ida ante o Cidade de As Burgas en 15 minutos
A finais de outubro do 2020 Poio e Cidade de As Burgas estreaban o primeiro duelo galego na máxima categoría do futsal español desta tempada.
Os puntos da vitoria quedaron na casa, engadíndose ao casilleiro das pontevedresas que acadaban así a súa primeira vitoria. Os tantos de Antía, Luci e Dani Sousa sentenciaron o encontro en 15 minutos e as entón visitantes non pudieron facer nada para remontalo.
O Poio leva o primeiro duelo entre galegas ao gañar 3-0 ao Cidade de As Burgas
