Os Remedios vivirá durante a tarde do sábado (17:00 horas) un duelo directo pola permanencia. O pechacancelas Xaloc Alicant visita o campo de un Cidade de As Burgas que tamén está necesitado de puntos. Galegas e alicantinas son os dous equipos que pechan a clasificación da Primeira División.
O adestrador galego, Manolo Codeso tivo unhas verbas sobre o trancendental partido que vivirá o conxunto galego este sábado no pavillón de Os Remedios: “O sábado temos unha partido clave, creo que agora mesmo é o máis importante do que vai de campionato. A situación entre os dous equipos son moi parellas. Tan só sepárannos dous puntos. Na primeira volta o único partido que conseguimos a vitoria foi contra elas, pero é certo que a min gustáronme moito na primeira volta e cada partido está a adaptarse mellor á categoría. Ten un xogo de catro moi vistoso e cada vez van a máis. Aínda que o Xaloc vaian de pechacancelas, hai que ter moito coidado e respecto por elas”.
Manolo Codeso, adestrador do Cidade de As Burgas: O sábado temos unha partido clave, creo que agora mesmo é o máis importante do que vai de campionato. Na primeira volta o único partido que conseguimos a vitoria foi contra elas.
Codeso confía no traballo do seu equipo e que continue o bo nivel de xogo que está a levar nas últimas xornadas: “Temos que controlar o partido e que non nos poida o ansia de querer gañálo moi cedo. Confío en que poidamos destacar pola intensidade e polo traballo e tentar meter medo ao rival. É moi importante saber sufrir, traballar moito en defensa e non precipitarse. Se temos a sorte de chegar ao final co marcador por diante, temos que ter paciencia e calma e non perder os nervios.
Manolo Codeso, adestrador do Cidade de As Burgas: Eu vexo ás xogadoras con motivación e con moitas ganas de gañar o partido tras o parón. Temos unha gran oportunidade para gañar e engancharnos á liga.
O técnico galego tamén quixo mandarlle unha mensaxe a afección que acude regularmente ao pavillón de Os Remedios: “Gustaríame mandar unha mensaxe á afección, porque aínda que sempre nos apoian e están connosco, o partido do sábado é moi importante. Necesitamos á afección máis que nunca. Aproveito para darlles as grazas porque sempre están connosco e é fundamental”.
A importancia de transformar o bo xogo do Cidade en puntos
Codeso confía en que os resultados chegarán e que en canto comece a boa racha todo irá de seguido: “Temos que seguir con esta liña de xogo e transformalo en puntos. A partir da primeira vitoria chegarán os resultados e recuperaremos a confianza, que é o que nos está faltando. Eu vexo ás xogadoras con motivación e con moitas ganas de gañar o partido tras o parón. Temos unha gran oportunidade para gañar e engancharnos á liga.
Manolo Codeso, adestrador do Cidade de As Burgas: Temos que seguir con esta liña de xogo e transformalo en puntos.
O conxunto ourensán chega ao partido con todo o plantel a disposición de Manolo Codeso, agás Aroa e Iría que levan de baixa e arrastrando molestidas desde hai un mes.
