O Cidade de as Burgas non tivo o seu día e tal e como destacou o seu adestrador, Manolo Codeso, “posiblemente foi a peor segunda parte da tempada”. O Alcorcón aproveitou a mala segunda metade das galegas e pecha unha gran semana coa vitoria a domicilio no pavillón de Os Remedios. As alfareiras remontaron o gol inicial de Ame e acabaron goleando por 1-9 as ourensás. O duelo estivo marcado polo gran acerto na finalización das madrileñas nunha semana fantástica para a entidade alfareira tras plantarse no Final Four da Copa da Raíña.
O choque comezaba cun temperán gol de Amelia Romero para o Cidade de As Burgas para a alegría de toda a afección que presenciaba o partido desde a bancada de Os Remedios. Non podía comezar mellor o partido para as de Codeso. As boas sensacións das locais iríanse aos poucos minutos cando as galegas cargaríase con faltas, o que ao cabo supoñería unha clave no devir do partido.
Manolo Codeso, adestrador do Cidade de As Burgas: “Esta é unha derrota difícil de dixerir porque o marcador non reflicte o visto na pista. É certo que xogamos o peor segundo tempo de toda a tempada e espero que non se volva a repetir. Temos que mellorar e aprender disto”.
Manolo Codeso, adestrador do Cidade de As Burgas: “A clave do primeiro tempo foi que os árbitros nos encheron de faltas moi pronto. Con 1-3 entrounos a páxara e foi cando nos entraron as dúbidas”.
A igualada anotábaa a ourensá e ex xogadora do Cidade, Vane Sotelo aos trece minutos de partido. Tres minutos máis tarde, Aída remontaba parcialmente o choque, e o Cidade cubría a cota de cinco faltas o que aproveitaría o Alcorcón para en senllos goles de Vane Sotelo, de novo, en lanzamentos de dez metros e outro de Carmen Alonso para irse ao descanso cun folgado 1 a 5.
Manolo Codeso, adestrador do Cidade de As Burgas: “En momentos como estes temos que sacar a cabeza arriba e non virnos abaixo. Agora teremos que subir o ánimo do vestiario e que esta derrota axude a ir para mellorar”.
O Cidade de As Burgas xa fóra de lugar, mostrouse incapaz por meterse de cheo no partido na segunda parte, onde o Alcorcón proseguiu ampliando a súa renda inicialmente con goles de Paula e de Mireia. Posteriormente Irene Samper anotaba un penalti que ocasionaba a expulsión de Nespereira e posteriormente Cyntia facía o definitivo a 1 a 9 co que finalizaba o envite.
Manolo Codeso, adestrador do Cidade de As Burgas: “Quedo cos primeiros 16 minutos do partido, coa intensidade e as boas sensacións. Temos que dar o parabén ao Alcorcón porque foron superiores. Agora tócame levantar ao vestiario e temos que seguir traballando. Quero pedir perdón á afección pola segunda parte”.
FICHA TÉCNICA
CIDADE DE AS BURGAS: Ana López Lastra; Nahir, Lucía Nespereira, Clara e Amelia (quinteto inicial). Tamén xogaron, Sonia, Aroa, María Arias, Canolich e Velle.
AD ALCORCÓN: Patri; Paula, Irene Samper, Carmen Alonso e Cyntia (quinteto inicial). Tamén xogaron, Pipi, Cristina, Nerea Moldes, Vane Sotelo, Aída e Mireia.
GOLES:
1-0, min. 3 Ame
1-1, min. 13 Vane Sotelo
1-2, min. 16 Aída
1-3, min. 19 Vane Sotelo (dez metros)
1-4, min. 20 Carmen Alonso
1-5, min. 20 Vane Sotelo (dez metros)
1-6, min. 23 Paula
1-7, min. 25 Mireia
1-8, min. 30 Irene Samper (penalti)
1-9, min. 32 Cyntia
COLEXIADOS: Carlos Martínez e Oliveira Carneiro do colexio galego. Recibiron cartolina amarela Ana, Ame, Sonia e vermella Lucía Nespereira (30’) no Cidade de As Burgas e Carmen Alonso no Alcorcón.
INCIDENCIAS: Pavillón dos Remedios. Uns 500 espectadores.
