O Cidade de As Burgas non puido sacar os tres puntos dunha pista sempre complicada. A UA acadou unha meritoria vitoria tras impoñerse por 5-0 e as ourensás xa pensan nas vindeiras xornadas ante rivais directos pola salvación. A pesar do resultado, as alicantinas tiveron que traballar moito a vitoria ante un Cidade que sempre é un conxunto batallador e moi intenso.
Manolo Codeso, adestrador do Cidade de As Burgas: “Este era un partido moi díficil e elas na súa casa son moi fortes. Traballamos moito en defensa, con moitas axudas e estes partidos véñennos moi ben para seguir aprendendo e crecendo”.
A escuadra universitaria, a pesar do seu dominio na primeira parte, tan só puido anotar un tanto no aos sete minutos de xogo por mediación de Carmen. As verdes souberon suxeitar as arremetidas locais e co seu xogo directo tivo algún achegamento de perigo para irse ao descanso coa igualada.
Manolo Codeso, adestrador do Cidade de As Burgas: “Quero dar a noraboa a toda a plantilla porque se están deixando a pel en cada partido e estanme demostrando que queren manter a categoría”.
Tras o tempo de refresco, senllas boas accións ofensivas de Consuelo permitían ao conxunto levantino abrir oco no luminoso. O conxunto ourensán tentou reaccionar timidamente pero sen acerto na finalización para atopar o seu primeiro gol no partido. No tramo final, Mónica Castelo e Carmen certificaron a vitoria levantina dunha UA que mantén a sexta praza da táboa clasificatoria.
O plantel dirixido por Manolo Codeso ten nas vindeiras dúas xornadas partidos contra rivais directos. A semana que vén recibe na casa ao UCAM Murcia e na seguinte viaxa ata Bilbo. Seis puntos moi importantes para o devir do conxunto ourensán.
Manolo Codeso, adestrador do Cidade de As Burgas: “Temos que pensar nas partidos claves que veñen agora. Estes dous partidos seguintes temos que ter a paciencia e mentalizarnos en tentar sacar bos resultados. O partido do sábado que vén en casa ante o UCAM é clave”.
FICHA TÉCNICA
UA ALICANTE: Cristina; Anita, Ángela, Pao y Melli (quinteto inicial). Tamén xogaron, Moni, Carmen, Consuelo, Rocío, Raquel e Elenita.
CIDADE DE AS BURGAS: Ana López Lastra; Clara, María Arias, Amelia y Nahir (quinteto inicial). Tamén xogaron, Nati, Aroa, Lucía Nespereira e Canolich.
GOLES:
1-0, min. 7 Carmen
2-0, min. 26 consuelo
3-0, min. 27 Consuelo golazo
4-0, min. 33 Mónica Castillo
5-0, min. 36 Carmen
COLEXIADOS: Santi Gutiérrez e Sergio Bernardino do colexio valenciano.
INDICIDENCIAS: Pavillón Universidad de Alicante. Uns 200 espectadores.
