Sábado histórico no ciclocrós galego. Sobre todo no tándem das mulleres. Na apertura do Campionato de España celebrado en Pontevedra, os anfritións acumularon nove medallas. Nas que destacan tres ouros, unha prata e dous bronces das ciclistas femeninas.
O primeiro dobrete xurdiu da man das cadetes Laura Mira e Uxía Soto. Acadaron as primeiras medallas de ouro e prata. Outro momento culminante foi a actuación das máster-50A, Isabel Castro e de 40A, Natalia Raña, que venceron nas súas categorías. A máster-30B Rocío Blanco e a máster-40B, Sonia Costoya pisaron o terceiro chanzo do caixón.
Quince maillots de campións repartironse na Illa das Esculturas. A sol acompañou de principio a fin durante toda a xornada disputada onte. O desenlace máis emocionante desatou a euforia na delegación local. A cadete Mira presentouse na recta final por diante da súa compañeira na selección de Galicia, Uxía Soto.
A poteareá Soto logrouse situar á fronte da proba no segundo xiro. No treito final a porriñesa Mira apareceu dende atrás para facerse có titulo. As tres voltas deunas nun tempo de 28 minutos e 36 segundos. A segunda tan só quedouse a tres segundos de diferenza.
“Non me vin abaixo e seguín ata o final. Na úlitma volta antes do box, sentinme moi forte e apertei a tope”, comentou a vencedora, Laura Mira. O podio completouno a ciclista de Castela e León, Estala Domínguez.
A festa do ciclocrós sumáronse os dous ouros e dous bronces nos másters
O botín máis grande para a comunidade galega chegou na carreira de máster feminina. Isabel Castro, do Condado Bike, nun tempo de 29:12 foi a máis forte de todas as participantes. Levouse o ouro no máster-50 A.
A ponteareá superou en minuto e medio á master-30 Isabel Borrero do Superpretigio. Terceira foi a galega Natalia Raña. Os seus logros non quedaron ahí xa que venceu no máster-40A.
O póquer galego de podios nestra proba completáronno con senllos terceiros postos Rocío Blanco no máster-30B e Sonia Costoya, no 40B.
