- A revisión médica á saúde das persoas que compoñen o bloque do Dépor ABANCA 2022-23, un paso máis na pretempada de As Nosas deportivistas.
O Dépor ABANCA que este ano vai militar na Primera Federación dá os seus primeiros pasos e un dos imprescindibles en toda pretempada é o recoñecemento médico de arranque. O bloque pasou polas instalacións do Quirónsalud de ABANCA-RIAZOR para someterse ás pertinentes probas médicas, analítica incluída, a cargo dos Servizos Médicos do RC Deportivo.
A adestradora Irene Ferreras e o seu corpo técnico tamén se pasaron polo centro médico coruñés para supervisar a saúde do grupo unha cita tradicional no inicio de cada pretemporada.
Xa despois das probas de saúde, pola tarde tivo lugar o primeiro adestramento do Dépor ABANCA na Cidade Deportiva. Esa sesión tivo lugar a porta pechada.
As futbolistas citadas polo corpo técnico liderado por Irene Ferreras que ten como segunda adestradora á galega Cris Oreiro para esta revisión ao seu estado de saúde foron as seguintes:
Porteiras
- Yohana Gómez
- Lucía Alba
- Nuria Gómez (Dépor ABANCA B)
Defensas
- Inés Altamira
- Raquel García
- Patri López
- Cris Martínez
- Samara Ortiz
- Lorena Reina
- Paula Novo (Dépor ABANCA B)
Centrocampistas
- Paula Gutiérrez
- Henar Muiña
- Carlota Sánchez
- Eva Dios
- Letti Sevilla
- Paula Monteagudo (Deportivo ABANCA B)
- Marta Rico (Deportivo ABANCA B)
Atacantes
- Laura Fernández
- Ainhoa Marín
- Aroa Guerra
- Carlota Suárez
- Millene Cabral
- Marta Charle
- Tati Barcia (Deportivo ABANCA B)
Corpo técnico
- Adestradora: Irene Ferreras
- Segunda adestradora: Cris Oreiro
- Preparador físico: Manuel Posse
- Preparador de porteiras: Juan Carlos Aguiar
- Médico: Álex Mejuto
- Fisioterapeuta: Pablo Carrascosa
- Nutricionista: Álex Santiso
- Delegado: Miguel García Esmorís
O primeiro amigable do Dépor ABANCA será o sábado 6 de agosto
Será no mes de agosto cando o bloque de futbolistas que compón este curso o Dépor ABANCA dispute o seu primeiro encontro preparatorio. Ese debut está previsto para o sábado 6 fronte ao Valadares Gaia FC portugués.
Con posterioridade As Nosas deportivistas medirase a outros cinco conxuntos. Están marcados no seu calendario de amigables de pretempada os seguintes cruces que terán lugar entre agosto e setembro: SD Eibar (mércores 17), Viajes Interrías FF (domingo 21), Real Oviedo (domingo 28) e Athletic Club B (sábado 3 de setembro). Ademais, tamén disputará o X Trofeo Teresa Herrera que se celebrará no estadio coruñes de ABANCA-RIAZOR.
