A baixa de Lucía García (Athletic Club) abre as portas da Selección Española Absoluta Feminina á deportivista Athenea del Castillo. A dianteira do Dépor ABANCA recibe a chamada do seleccionador, Jorge Vilda. A xogadora branquiazul deberá incorporarse á concentración que o equipo estatal está levando a cabo en Las Rozas.
O RC Deportivo trasladaba a súa alegría pola chamada da súa futbolista a través das redes sociais cun sinxelo pero rotundo “#AtheneaSelección Orgullosos de #asnosas!” A deportista facía rechío á publicación en Twitter do conxunto coruñés.
A cita para a que está a prepararse España está fixada para o próximo venres 23 de outubro. Será entón cando o combinado español feminino disputará un importante partido clasificatorio para a Eurocopa de Inglaterra 2022 será ás 21:00 horas no estadio de La Cartuja en Sevilla.
Desde principio de semana a Selección Española está adestrando de feito onte, co gallo do Día Internacional Contra o Cancro de Mama, a RFEF compartía nas redes sociais de ‘La Roja‘ este vídeo como ferramenta de concienciación sobre a citada doenza.
Athenea xa sabe o qué vestir a elástica da Selección Española, pero non tiña recibido a chamada da Absoluta. A xogadora cántabra xa foi internacional en categorías inferiores coa ‘Roja‘ chegando ata a Sub-20. De feito, conta no seu palmarés cun Campioanto de Europa Feminino en categoría Sub-19 no ano 2018, quedando subcampiona no 2019, dalquela compartía vestiario no combinado estatal coas ex deportivistas, Tere Abelleira e María Méndez.
A fútbolista cántabra ten contrato co RC Deportivo ABANCA ata a tempada 2022. Chegou ao equipo branquiazul procedente do CDE Racing Féminas.
🔴 OFICIAL | Athenea del Castillo sustituye a Lucía García en la convocatoria de la @sefutbolfem
ℹ️ https://t.co/HLIcvjHI6b pic.twitter.com/J4VsLUFvS5
— Selección Española Femenina de Fútbol (@SeFutbolFem) October 20, 2020
Así queda a convocatoria de España na que se inclúe a Athenea del Castillo
| Posición | Jugador |
|---|---|
| GUARDAMETAS | Lola Gallardo Sun Quiñones Misa Rodríguez |
| DEFENSAS | Ainhoa Vicente Moraza María de Alharilla Casado Irene Paredes Andrea Pereira María León Ivana Andrés Marta Corredera Eunate Arraiza |
| CENTROCAMPISTAS | Patri Guijarro Irene Guerrero Alexia Putellas Teresa Abelleira Aitana Bonmatí Vicky Losada |
| DELANTERAS | Marta Cardona Bárbara Latorre Mariona Caldentey Nerea Eizagirre Esther González Athenea del Castillo Beivide |
