- Cecilia Cacheda, xogadora do Mecalia Atlético Guardés manifestaba ao respecto do partido co Conservas Orbe Rubensa BM Porriño: “Un derbi sempre é un derbi e na Guarda vívese dunha maneira moi especial”.
O 15 de agosto é coñecido como o día con máis festas do verán. O primeiro derbi do curso 2023-24 do balonmán feminino galego quérese sumar á festividade. O Pavillón da Sangriña acolle desde as 12:30 horas de mañá, martes, esa primeira toma de contacto entre os dous clubs representantes do balonmán feminino galego na Liga Guerreras Iberdrola, a máxima categoría desta disciplina en España.
O Mecalia Atlético Guardés afronta mañá o seu terceiro partido da pretemporada, que será o primeiro derbi do curso 2023/2024. Ás 12:30 horas, o conxunto miñoto poñerase a proba contra o Conservas Orbe Rubensa BM Porriño no Pavillón da Sangriña. A entrada é gratuíta.
Mañá temos un novo amistoso, esta vez na Sangriña e queremos continuar coa boa liña de traballo 💪
📅 Martes, 15 de agosto
🆚 @Atlguardes_ofic
⏰ 12:30
📍Pavillón A Sangriña📸 @xoelgil pic.twitter.com/zIKvNjJ3Zw
— Club Balonmano Porriño (@BmPorrino) August 14, 2023
O Mecalia Atlético Guardés xogará baixo o mando de Cristina Cabeza, que se estreará dirixindo ao primeiro equipo tras estar concentrada coas Guerreras Xuvenís en Bakú (Acerbaixán). A adestradora madrileña regresa sendo campioa do EHF Championship 2023.
O conxunto miñoto aínda non poderá contar coas primeiras liñas Blazka Hauptman e Sandra Radovic, por asuntos burocráticos. Tampouco xogará a brasileira Andreza Almeida.
Cacheda, xogadora do Guardés: “Un derbi é sempre un derbi”
A canteirá do Porriño pero xogadora do Guardés, Cecilia Cacheda, afirma que o Mecalia “afronta o partido con ganas”. Recoñece que “en pretemporada hai moitas cousas por probar” e que o Conservas Orbe Rubensa BM Porriño é un gran rival. Neste sentido, salienta que “un derbi sempre é un derbi e na Guarda vívese dunha maneira moi especial”.
Nas súas palabras, do que se trata esta fase preparatoria é de “ir mellorando, que as cousas vaian saíndo ben e de ir coñecéndonos”. “Creo que, de momento, o camiño que levamos é o adecuado”, conclúe.
Dous triunfos en terras lusas para o Porriño
O Conservas Orbe Rubensa BM Porriño chega a este derbi de pretempada das nosas do balonmán galego con dous triunfos no peto logo de medirse en terras lusas co Juventude Despirtiva do Lis, ao que gañou 17-30, e o Academia de Andebol de São Pedro do Sul, ao que se impuxo cun tanteo de 15-29.
Finalizamos os dous encontros en Portugal con dúas vitorias novas 🤾🏾♀️
Juventude Despirtiva do Lis 17 🆚 Conservas Orbe Rubensa Bm Porriño 30 @AndebolSps 15 🆚 Conservas Orbe Rubensa Bm Porriño 29
Seguimos traballando 💪🏾 pic.twitter.com/jl5cc2ZUbh
— Club Balonmano Porriño (@BmPorrino) August 12, 2023
Previamente xogaran nas Pontes contra o Motive.Co Gijón CB La Calzada vencendo ás asturianas, que tamén militan na Liga Guerreras Iberdrola, por un marcador de 31-25.
Final do partido e primeira vitoria do novo conxunto da #LigaGuerrerasIberdrola 💪🏾
Conservas Orbe Rubensa Bm Porriño 31 🆚 @CBLaCalzada 25
Moitas grazas ao @concellodaspontes e a @fgabalonman, seguimos 🔛 pic.twitter.com/if9KqslJGf
— Club Balonmano Porriño (@BmPorrino) August 8, 2023
