- Lousame, Boiro, Camariñas e Noia acollerán as probas da Copa Galicia de Resistencia de BTT. A competición terá lugar entre os meses de xaneiro e febreiro coordinada pola Federación Galega de Ciclismo e coa organización das probas a cargo dos clubs BTT O Treito, RSBike Boiro, Baikers do Vilán e CC Muros.
O mes de xaneiro de 2022 escomeza a rodar cunha importante novidade no calendario autonómico. Nace a Copa Galicia de Resistencia, un novo certame coordinado polo Federación Ciclismo Galego (FCG). A proba inaugural terá como escenario o municipio coruñés de Lousame o vindeiro 23 de xaneiro e xa se abriu o prazo para inscribirse (Fai clic neste enlace para anotarte na cita de Lousame).
Nesta primeira competición de 3 H Resistencia Lousame seguirase o Protocolo Federación COVID. Así, “tres días antes da celebración da proba todos os participantes da proba (corredores, técnicos, árbitros, etc.) deberán responder unha serie de preguntas relacionadas coa COVID-19 e sua exposición a devandita enfermidade. A cumprimentación de devandito formulario de Trazabilidade, así como a firma da declaración responsable serán necesarias para poder participar na proba.
Por outro lado, e de acordo coa normativa da Xunta de Galicia, “esísexe o certificado de vacinacion con pauta completa ou un test de antíxenos para a participación nesta proba da Copa Galicia de Resistencia BTT. Este test débese realizar cunha antelación máxima da celebración da proba de 72h”.
O calendario deste circuíto da Copa Galicia de Resistencia de bici de montaña da Federación Galega de Ciclismo compóñeno estos catro eventos:
- Domingo 23 de xaneiro 3H Resistencia Lousame (BTT O Treito, C.)
- Domingo 30 de xaneiro Boiro 3 Horas BTT Non Stop (RSBike Boiro, C.C.)
- Domingo 6 de febreiro 3H BTT Circuíto da Caramiña (Baikers do Vilán, P.C.)
- Domingo 13 de febreiro 3 Horas Resistencia BTT Concello de Muros (Muros, C.C.)
Unha vez se complete este póker de citas, chegará a primeira edición do Campionato de Galicia de Resistencia:
- Domingo 20 de febreiro de 2022 Campionato de Galicia de Resistencia 3 Horas BTT de Noia (Toxo, P.C.)
A Copa Galicia de Resistencia BTT terá estas categorías, maillots e puntuación
As carreiras desta especialidade de resistencia dentro da BTT disputaranse sobre un circuíto que cumprirá as condicións de distancia, marcaxe, sinalización e seguridade de calquera circuíto de XCO no que se darán voltas ata completar o tempo de 3 horas. En cada proba establecerase unha clasificación das seguintes categorías:
- Absoluta masculina
- Absoluta feminina
- Elite/Sub23/Júnior feminina
- Máster feminina
- Júnior masculina
- Elite-Sub23 masculina
- Máster 30 masculina
- Máster 40 masculina
- Máster 50 masculina
- Máster 60 masculina
- Parellas femininas
- Parellas masculinas
- Parellas mixtas
- Grupo Open
Segundo informa a Federación de Ciclismo Galego Entregarase maillot de líder soamente aos vencedores absoluto masculino e feminino. O sistema de puntuación será o mesmo que no resto de modalidades do BTT puntuando os 25 primeiros postos de todas as xornadas da Copa Galicia, cun mínimo de tres. A partir de catro probas, descartarase o peor resultado.
