Primeira vitoria na OKLiga Iberdrola para o HC Raxoi, un resultado de 6-7 a domicilio na pista do Cerdanyola Club D’Hoquei que supón un fito histórico para o club galego que debuta este curso 2024-25 na elite do hoquei estatal.
Despois da dura derrota en Compostela ante o Iman Serroukh Alcalá Hockey (1-2), o equipo santiagués voaba a Cataluña para enfrontarse ao HC Raxoi coa mentalidade posta en manter a linea ascendente do equipo e conseguir a primeira vitoria da historia dun equipo compostelán na OKLiga Iberdrola.
O CH Raxoi chega ao descanso cun 1-3
O partido comezou mal para o HC Raxoi cun gol cando só se tiñan disputado tres minutos e medio de partido pero en menos de 10 minutos, as santiaguesas, co mesmo espiritu de loita que demostraron nos tres partidos anteriores, déronlle a volta ao marcador cos goles de Icia Brea, Lucía Yañez de penalti e Martina Sad.
O partido era un ida e volta continuo, co equipo local tentando dominar e un HC Raxoi que salia á contra cunha velocidade e eficacia impresionante. Co resultado de 1-3 chegouse ao final da primeira parte.
O Cerdanyola buscou a remontada na segunda metade
No segundo período, o Cerdanyola Club D’Hoquei saíu disposto á remontada, aínda que cada contra do HC Raxoi levaba perigo para a porteria local. Dúas boas xogadas con mellor finalización puxeron o 3-3 no marcador, pero de novo, saíu o espiritu de loita do HC Raxoi e unha acertadisima Martina Sad, primeiro, e Mili Carrera despois, volvian a poñer por diante ao Raxoi, un 3-5 que converteu agora se o partido nunha tolemia atacante.
Dous goles do Cerdanyola Club D’Hoquei ponian de novo a igualada a 5, pero de novo, Martina Sad puxo ás compostelás por diante, 5-6.
Unha tarxeta azul a Lara Yañez e a falta directa perfectamente executada pola capitá do equipo catalán Paula Ferrón a falta dun minuto ponia o 6-6. Pero o partido aínda tenia unha xogada máis, e nada máis sacar de centro, un tiro afastado de Icia Brea é aproveitado unha vez máis por Martina Sad para poñer o 6-7 final. Un resultado que premiaba o espiritu de loita, tesón e sacrificio do equipo compostelán, e o traballo que veñen desenvolvendo desde o inicio da pretemporada.
O conxunto galego, debutante na elite estatal do hoquei sobre patíns, colleitaba na primeira xornada da OkLiga Iberdrola un 8-1 na cancha do CP Vila-Sana Coops D’Ivars. Na segunda xornada perdían na súa casa por 0-5 diante do Martinelia Manlleu. Na terceira a derrota foi tamén en Compostela por 1-2 ante o Iman Serroukh Alcalá Hockey. E finalmente chegou a primeira vitoria nesta cuarta xoranda a domicilio na pista do Cercanyola Club D´Hoquei.
Lucía Velo non terá que pasar por quirófano
Ao finalizar o encontro, o HC Raxoi atopábase con outra boa noticia. Segundo informan desde o club galego a lesión de Lucia Velo é menor do esperado polo que a xogadora evita o quirofano e espérase que en dous meses poida empezar a estar ao dispor do equipo.
