Hoxe, sábado 12 de novembro, o CRAT Coruña acollerá unha charla sobre metodoloxía e planificación impartida polo seleccionador español Juan González Marruecos e a preparadora física das Leonas María Casado González.
O acto terá lugar de 10 a 13 horas no local social do club de rugby coruñés, sito na Rúa Ponche número 30. Será unha ocasión única para que xogadoras e os corpos técnicos dos clubs galegos coñezan de primeira man a forma de traballar das Leonas XV e os criterios de mellora da man de Juan González Marruecos e María Casado González.
Ademais, desta charha de Juan González Marruecos e María Casado González, o CRAT Coruña desenvolverá unha das actividades do programa Mujer y Rugby 2022 da Federación Española de Rugby. Este proxecto asignado á Federación Galega de Rugb y ten como obxectivos transmitir que o rugby é un deporte para todas, fiel a uns valores, promovendo e difundindo a participación feminina no deporte do balón oval en todos os seus aspectos.
Tamén hoxe, sábado 12 de novembro, as tres neerlandesas do CRAT Residencia Rialta formarán parte da convocatoria da Selección dos Países Baixos. Trátase dun partido de preparación en Amsterdam contra a Selección Neerlandesa Estudantil. É un premio que reflicte o bo nivel despregado por Nicky, Quen e Kyra na súa primeira campaña no equipo herculino.
