O atletismo galego terá dobre representación feminina nos Campionatos de Europa de Tallin (Estonia). Antía Chamosa participará na categoría sub23, nas probas que se desenvolverán esta fin de semana, mentres que Irene Gómez o fará no sub20, entre o 15 e o 18 de xullo.
A primeira delas liderará a expedición galega do Europeo sub23, tomando parte na proba dos 20 quilómetros marcha. Malia a súa idade, Antía Chamosa conta cun currículo moi destacado, que inclúe varios títulos nacionais e unha habitual presenza na Selección Española.
Nunha entrevista co seu club, o SG Pontevedra, no pasado mes de marzo, tras proclamarse campioa no Marcha sub23, a propia atleta resaltaba esta cita como a máis importante do ano.
Antía Chamosa: “O Europeo Sub-23 é o gran obxectivo este ano”
Unha semana despois, será o turno de Irene Gómez, que acude á competición sub20 para participar no concurso de lanzamento de martelo. A atleta galega acude cunha MMP lograda en maio, situada nos 60,17m. Con este resultado, é a 18ª no ránking europeo.
Dende a categoría Sub16 conta prácticamente as súas participacións nos campionatos de España por títulos nacionais, debutando a nivel internacional no 2018 na Copa Ibérica ¨Go Fit¨ que daba paso no 2019 ao Festival Olímpico da Xuventude en Bakú no que chegaba a ser finalista.
Un dos seus últimos éxitos foi o ouro no Campionato de España, lanzando ata os 57,46m.
As galegas sub20 suman tres medallas e un récord autonómico no Campionato de España
