- O CH Coruña venceu nas Copas da Raíña e do Rei por clubs que se celebraron esta fin de semana en Ourense, asinando así por terceira vez na súa historia un dobrete copeiro.
- A haltera do Club Halterofilia Coruña Irene Martínez batía o récord de España absoluto no total olímpico dúas veces deixando a marca en 197kg.
- Galicia estivo representanda na competición tamén polo Club Halterofilia Ourense.
O Pavillón Municipal dos Remedios de Ourense acolleu dous campionatos estatais de halterofilia: o Campionato de España por clubs Masculino – LXV Copa S.M. do Rei e o Campionato de España por clubs feminino XXVI Copa da SM a Raíña.
A halterofilia galega contou coa representanción de dous clubs (CH Coruña e Club Halterofilia Ourense) e cinco equipos (un masculino por cada un deses clubs e tres femininos xa que o CH Coruña clasificou ao seu equipo A e ao B). Foi unha gran xornada dos equipos herculinos xa que tanto o masculino e o feminino alzaron o trofeo de S.M. o Reo e a Raíña respectivamente.
Ver esta publicación en Instagram
Nestas competicións participaron 24 equipos, 12 en categoría feminina e outros 12 en categoría masculina. Esa ducia de equipos viña dada dos clubs que foran quen de se clasificar entre dos 18 que participaran no play off da liga Nacional Absoluta.
Como decíamos, Galicia estivo representada polos combinados masculinos e femininos do conxunto do CH de Ourense (que competía na casa) e o Club Halterofilia Coruña. Este último varias veces gañador da proba en categorías feminina e masculina. A última vez en 2021, en Oviedo, cando conseguiron o dobrete: tanto o equipo masculino como o conxunto feminino do club herculino conseguiron alzar o trofeo.
Ver esta publicación en Instagram
De feito, é a terceira vez que o CH Coruña consegue o dobrete quedando campión na Copa nas categorías feminina e masculina. Previamente xa o fixera nos anos 2017 e 2021. Esta é a sexta vez que o conxunto masculino coruñés gaña a Copa do Rei e a cuarta que o fai en categoría feminina.
O CH Coruña xa obtivera un fito antes de comezar a competición
Xa antes de comenzar a competición o club coruñés asinara o logro de clasificar dous equipos para a final da Copa da Raíña: O CH Coruña “B” finalizou no quinto posto do play off e puido acompañar ao equipo “A” na final. É a primeira vez desde que na liga Nacional compiten en catro divisións que un mesmo club logre clasificar dous equipos na final da Copa. Polo tanto, o CH Coruña con Ferenc Szabo á fronte do equipo técnico marcou un fito neste sentido.
O conxunto feminino do CH Coruña A proclamábase campión con 950,0 puntos total sinclair. A Escola Tinerfeña de Halterofilia foi o segundo clasificado nesta Copa da Raíña 2022 celebrada en Ourense con 944,32 puntos total sinclair. O terceiro posto foi para o CH Aranjuez con 883,83 puntos total sinclair. O CH Coruña B foi undécimo con 659,82 puntos total sinclair, e o Club Halterofilia Ourense 13º con 630,48 puntos total sinclair.
Ver esta publicación en Instagram
Durante a competición a haltera coruñesa Irene Martínez estableceu dúas records de España absoluto no total Olímpico (195 e 197 quilos) e logrou a mellor marca feminina de todo o campionato colocándose no posto 1º. A coruñesa, cun peso corporal de 58,84kg levantou en arrancada 90kg, 107kg en dous tempos e sumou 197kg para o total olímpico acumulando 269,54 puntos sinclair.
No posto 11º da xeral figura Irene Blanco Tarela con 234,35 puntos sinclair froito de levantar 89kg en arrancada, 109kg en dous tempos e 195kg en total olímpico (73,68kg de peso corporal no seu caso). No posto 14º figura Ruth Fuentefría con 228,60 puntos sinclair, asinando 65kg en arrancada, 75kg en dous tempos e 140 en total olímpico cos seus 46,26 kg de peso corporal. A cuarta mellor haltera galega foi Noelia García, tamén do Club Halterofilia Coruña, que fixo 217,59 puntos sinclair froito de levantar 62kg en arrancada, 74kg en dous tempos e obter 136kg no total olímpico, o peso corporal de Noelia García estaba nesta competición en 47,44kg.
Na categoría masculina venceu o CH Coruña (2.098,23 puntos total sinclair) que quedou por diante da Escola Tinerfeña (1.992,06 puntos total sinclair) quedando terceiro o CD Halterejido (1.955,64 puntos total sinclair).
Para os deportistas coruñeses Irene Martínez e Víctor Castro está competición serviu ademais como unha boa posta do punto de cara ao Campionato do Mundo Absoluto de halterofilia que se celebrará de 5 ao 15 de decembro en Bogotá (Colombia) e no que van competir ambos os dous deportistas.
Ver esta publicación en Instagram
